ଶାବର ଶ୍ରୀକ୍ଷେତ୍ରରେ ସୁନାବେଶରେ ଦର୍ଶନ ଦେଲେ ତିନି ଠାକୁର

କୋରାପୁଟର ଶାବର ଶ୍ରୀକ୍ଷେତ୍ରରେ ଅନୁଷ୍ଠିତ ହୋଇଯାଇଛି ସୁନାବେଶ । ରବିବାର ଅନୁଷ୍ଠିତ ହେବ ନୀଳାଦ୍ରି ବିଜେ ।

କୋରାପୁଟ: ଶାବର ଶ୍ରୀକ୍ଷେତ୍ରରେ ମହାଏକାଦଶୀ ଅବସରରେ ମହାପ୍ରଭୁ ଜଗନ୍ନାଥ, ପ୍ରଭୁ ବଳଭଦ୍ର ଓ ଦେବୀ ସୁଭଦ୍ରାଙ୍କ ସୁନାବେଶ ଅନୁଷ୍ଠିତ ହୋଇଯାଇଛି ।

ବର୍ଷର ବିଭିନ୍ନ ସମୟରେ ଶ୍ରୀମନ୍ଦିରର ରତ୍ନବେଦୀରେ ତିନିଠାକୁରଙ୍କ ସୁନାବେଶ ଅନୁଷ୍ଠିତ ହେଉଥିଲେ ହେଁ ରଥ ଉପରେ ତିନି ଠାକୁରଙ୍କ ସୁନାବେଶର ବିଶେଷ ମହତ୍ତ୍ବ ରହିଥିବା ଯୋଗୁଁ ଭକ୍ତଙ୍କ ଗହଣରେ ଅପୂର୍ବ ଆଗ୍ରହ ପରିଲକ୍ଷିତ ହୋଇଛି ।

ତେବେ ସୁନାବେଶ ସହ ରଥ ଉପରେ ଅଧରପଣା ଲାଗି ହେଉଥିବା ବେଳେ ରବିବାର ତିନିଠାକୁରଙ୍କ ନୀଳାଦ୍ରି ବିଜେ ଅନୁଷ୍ଠିତ ହେବ ବୋଲି ମନ୍ଦିରର ସମ୍ପାଦକ ଗଦାଧର ପରିଡା ସୂଚନା ଦେଇଛନ୍ତି ।

ରବିବାର ନିଲାଦ୍ରୀବିଜେ ସହ ମହାପ୍ରଭୁ ଜଗନ୍ନାଥ ଓ ମା ଲକ୍ଷ୍ମୀଙ୍କ ମଧ୍ୟରେ ମନ୍ଦିରର ସିଂହଦ୍ଵାର ନିକଟରେ ବଚନୀକା ଅନୁଷ୍ଠିତ ହେବ ।

କୋରାପୁଟରୁ ସି.ଏଚ. ଶାନ୍ତାକାର, ଇଟିଭି ଭାରତ