ଭୁବନେଶ୍ବର: ବୋରିଗୁମ୍ମାରୁ ଜୀବନ୍ତ ବଜ୍ରକାପ୍ତା ଉଦ୍ଧାର । ବଜ୍ରକାପ୍ତା ତସ୍କରୀ ବେଳେ ଦୁଇ ଜଣଙ୍କୁ ଗିରଫ କଲା କ୍ରାଇମବ୍ରାଞ୍ଚ ଏସଟିଏଫ । କୋରାପୁଟ ଜିଲ୍ଲା ବୋରିଗୁମା ବାଏପାସ କଡ଼ରେ ବଜ୍ରକାପ୍ତା ତସ୍କରି ବେଳେ ଧରିଲା କ୍ରାଇମବ୍ରାଞ୍ଚ ଏସଟିଏଫ୍। ଜୀବନ୍ତ ବଜ୍ରକାପ୍ତାକୁ ୪ଲକ୍ଷ ଟଙ୍କାରେ ବିକ୍ରି କରିବା ପାଇଁ ଡିଲ କରାଯାଉଥିଲା । ଏକ ଅଖା ଭିତରେ ତାକୁ ଭର୍ତ୍ତି କରି ଡିଲ କଲାବେଳେ ଏସଟିଏଫ ଟିମ୍ ପକ୍ଷରୁ ଚଢ଼ାଉ କରାଯାଇଥିଲା ।
କୋରାପୁଟରେ ଚାଲିଥିଲା ବଜ୍ରକାପ୍ତା ଡିଲ୍: ଜୀବନ୍ତ ପାଙ୍ଗୋଲିନ ଉଦ୍ଧାର, 2 ଗିରଫ
ଅଭିଯୁକ୍ତ ଦୁଇ ଜଣ ବିନ୍ଧାଣିଗୁଡ଼ାର ମାଧବ ପରଜା ଓ ଜଗବନ୍ଧୁ ପରଜା ହୋଇଥିବା ଜଣାପଡ଼ିଛି । ଓ୍ବାଇଲ୍ଡ ଲାଇଫ ଆକ୍ଟ ଆଧାରରେ ଏସଟିଏଫ ଟିମ୍ ଉଭୟଙ୍କୁ ଗିରଫ କରିଛି। ବଜ୍ରକାପ୍ତା ଜବତ ପରେ ଡିଏଫଓଙ୍କୁ ହସ୍ତାନ୍ତର କରାଯାଇଛି।