କୋରାପୁଟ :ଜିଲ୍ଲା ଗସ୍ତ କରିଛନ୍ତି ରାଜ୍ୟ ମହିଳା କମିଶନର ଅଧ୍ୟକ୍ଷା ମିନତୀ ବେହେରା । ମହିଳାଙ୍କ ସୁରକ୍ଷା ପାଇଁ ସରକାର ଅନେକ ବ୍ୟବସ୍ଥା କରିଛନ୍ତି । ନିୟମ ସମ୍ପର୍କରେ ସଚେତନତା ବୃଦ୍ଧି ପାଇଲେ ରାଜ୍ୟରେ ମହିଳା ଅଧିକ ସୁରକ୍ଷିତ ରହିପାରିବେ ବୋଲି ସେ ମତ ରଖିଛନ୍ତି । ବୁଧବାର କୋରାପୁଟରେ ଆୟୋଜିତ ଏକ ଆଇନ ସଚେତନତା ସଭାରେ ଜିଲ୍ଲାରେ କରାଯାଇଥିଲା ।
ବିଭିନ୍ନ ଅଞ୍ଚଳରୁ ଆସିଥିବା ମହିଳାଙ୍କୁ ଉଦବୋଧନ ଦେଇ ସେ ମହିଳା ସୁରକ୍ଷାର ବିଭିନ୍ନ ଦିଗ ସମ୍ପର୍କରେ ସଚେତନତା ସୃଷ୍ଟି କରିଥିଲେ । ଏହି ଅବସରରେ 10 ଜଣ ମହିଳାଙ୍କୁ ସେମାନଙ୍କ କର୍ମକ୍ଷେତ୍ରରେ ଉନ୍ନତ ସେବା ଯୋଗାଇ ଦେଇଥିବା ଯୋଗୁଁ ସମ୍ମାନିତ କରାଯାଇଥିଲା । ଅପରପକ୍ଷରେ ସର୍କିଟ ହାଉସ ଠାରେ ଏକ କ୍ୟାମ୍ପ କୋର୍ଟର ଆୟୋଜନ କରି କିଛି ପୁରୁଷ ଓ ମହିଳାଙ୍କ ମଧ୍ୟରେ ଥିବା ପରିବାର ଗତ ସମସ୍ୟାର ସମାଧାନ କରିବାର ପ୍ରୟାସ କରାଯାଇଥିଲା ବୋଲି କମିଶନ ଅଧ୍ୟକ୍ଷା ଜଣାଇଛନ୍ତି ।
କୋରାପୁଟରୁ ସିଏଚ.ଶାନ୍ତାକାର, ଇଟିଭି ଭାରତ
