କୋରାପୁଟ: ମହାମାରୀ କୋରୋନା ସଙ୍କଟ ସମୟରେ ଦିନରାତି ଋଣ ଅର୍ଥ ଆଦାୟ କରିବା ପାଇଁ ଋଣ ଦେଇଥିବା ସଂସ୍ଥାର ଏଜେଣ୍ଟମାନେ ଆସି ବ୍ୟତିବ୍ୟସ୍ତ କରୁଥିବା ଅଭିଯୋଗ କରିଛନ୍ତି କୋରୋପୁଟ ହାଟପଦା ଅଞ୍ଚଳର 5ଟି ମହିଳା ସ୍ବୟଂ ସହାୟକ ଗୋଷ୍ଠୀ ସଦସ୍ୟ ।
ଅସହ୍ଯ ହେଉଛି ଋଣଦାତାଙ୍କ ଚାପ, ପ୍ରଶାସନର ଦ୍ବାରସ୍ଥ ହେଲେ ମହିଳା ସମିତି ସଦସ୍ୟ
ମହିଳା ସ୍ବୟଂସହାୟକ ଗୋଷ୍ଠୀ ବିଭିନ୍ନ ମାଇକ୍ରୋ ଫାଇନାନ୍ସ କମ୍ପାନୀରୁ ଋଣ ନେଇ ଛୋଟମୋଟ ବ୍ୟବସାୟ କରିଆସୁଥଲେ । ଋଣ ପରିଶୋଧ ଠିକ ସମୟରେ କରିଚାଲିଥିଲେ ମଧ୍ୟ ଏବେ କୋରୋନା ସଂକ୍ରମଣ ଜନିତ ଲକଡାଉନ ଫଳରେ ବ୍ୟବସାୟ ସମ୍ପୂର୍ଣ ରୂପେ ପ୍ରଭାବିତ ହୋଇଛି । ହେଲେ ଋଣ ଦେଇଥିବା ବେସରକାରୀ ସଂସ୍ଥା ଏସବୁ କିଛି ଶୁଣିବା ପାଇଁ ଚାହୁଁନଥିବା ମହିଳାମାନେ ଅଭିଯୋଗ କରିଛନ୍ତି । ପ୍ରତିଦିନ ଋଣ କିସ୍ତି ପୈଠ ନକଲା ପର୍ଯ୍ୟନ୍ତ ଏମାନେ ଘର ମୁହଁରେ ବସିରହୁଛନ୍ତି । ଏନେଇ ମହାଳାମାନେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଅଭିଯୋଗ କରିଛନ୍ତି ।