କୋରାପୁଟ: ସମ୍ବଲପୁର ଦେଇ ଭୁବନେଶ୍ବରରୁ କୋରାପୁଟ ପର୍ଯ୍ୟନ୍ତ ଆରମ୍ଭ ହେବ ସ୍ବତନ୍ତ୍ର ରେଳସେବା । ଦକ୍ଷିଣ ପୂର୍ବ ରେଳ ବିଭାଗର ଏହି ଯୋଜନା ଥିବା ରେଳବାଇ ବୋର୍ଡ ପକ୍ଷରୁ ଜାରି କରାଯାଇଥିବା ଏକ ପତ୍ରରେ ଉଲ୍ଲେଖ କରାଯାଇଛି । ଏନେଇ ଖବର ପାଇବା ପରେ ଅଞ୍ଚଳବାସୀଙ୍କ ମନରେ ଆନନ୍ଦ ଖେଳିଯାଇଛି ।
ଭୁବନେଶ୍ବରରୁ କୋରାପୁଟ ଯାଏଁ ଗଡିବ ସ୍ବତନ୍ତ୍ର ଟ୍ରେନ
ସପ୍ତାହକୁ ତିନି ଦିନ ଏହି ସ୍ବତନ୍ତ୍ର ଟ୍ରେନ ଚାଲିବା ପାଇଁ ପ୍ରସ୍ତାବ ଥିବା ଏହି ଚିଠିରେ ଲେଖାଯାଇଛି । ତେବେ ଏହି ଟ୍ରେନ ସେବା କେବେଠାରୁ ଯୋଗାଇ ଦିଆଯିବ ସେନେଇ ସ୍ପଷ୍ଟ କରାଯାଇନଥିବା ଯୋଗୁଁ କୋରାପୁଟରେ ଅବସ୍ଥାପିତ ରେଳ ଅଧିକାରୀ ଏ ସମ୍ପର୍କରେ କୌଣସି ପ୍ରତିକ୍ରିୟା ଦେବା ପାଇଁ ପଛଘୁଞ୍ଚା ଦେଉଛନ୍ତି ।