କୋରାପୁଟ: ଭବିଷ୍ୟତ ଶିକ୍ଷକଙ୍କ ଦ୍ବାରା ରାସ୍ତା ସଫେଇ । କୋରାପୁଟ ଗାନ୍ଧିନଗର ସ୍ଥିତ ସରକାରୀ ଶିକ୍ଷକ ପ୍ରଶିକ୍ଷଣ କେନ୍ଦ୍ରର ଛାତ୍ରଛାତ୍ରୀ ଗୁରୁବାର କଲେଜ ପରିସରଠାରୁ ଆରମ୍ଭ କରି ସହରର କେନ୍ଦ୍ରସ୍ଥଳୀରେ ଥିବା ବସଷ୍ଟାଣ୍ଡ ପର୍ଯ୍ୟନ୍ତ ସଫେଇ କରିଛନ୍ତି ।
ଏଥିସହ ବସ୍ତି ଅଞ୍ଚଳ ପାଇଁ ଖୋଲାଯାଇଥିବା ଏକ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ପରିସର ମଧ୍ୟ ସେମାନେ ସଫା କରିଛନ୍ତି । ଏକ ସୁସ୍ଥ ଜୀବନ ପାଇଁ ସୁସ୍ଥ ପରିବେଶର ଆବଶ୍ୟକତା ଉପରେ ସଚେତନତା ସୃଷ୍ଟି କରିବା ସହ ଭବିଷ୍ୟତ ପିଢ଼ି ପାଇଁ ଶିକ୍ଷକ ଭାବେ ନିଜକୁ ପ୍ରସ୍ତୁତ କରୁଥିବା ଏହି ଯୁବପିଢିଙ୍କ ସ୍ବଛ କୋରାପୁଟ ଅଭିଯାନକୁ ସହରବାସୀ ପ୍ରଶଂସା କରିଛନ୍ତି ।
କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ
