କୋରାପୁଟ: ନନ୍ଦପୁର ବ୍ଲକ ରାଇସିଙ୍ଗ ପଞ୍ଚାୟତରେ ଗୁରୁବାର ଦିନ ଜିଲ୍ଲାର ପ୍ରଥମ ମାଣ୍ଡିଆ ମଣ୍ଡିର ଶୁଭାରମ୍ଭ ହୋଇଛି । ଚଳିତ ବର୍ଷ ଜିଲ୍ଲା ପ୍ରଶାସନ 72 ହଜାର କ୍ଵିଣ୍ଟାଲ ମାଣ୍ଡିଆ କ୍ରୟ କରିବାର ଲକ୍ଷ୍ୟ ରଖିଛି । ଜିଲ୍ଲାପାଳ ମଧୁସୂଦନ ମିଶ୍ର ଏହାର ଶୁଭାରମ୍ଭ କରିଛନ୍ତି ।
ଗତବର୍ଷ କୋରାପୁଟ ଜିଲ୍ଲାରେ 36 ହଜାର କ୍ଵିଣ୍ଟାଲ ମାଣ୍ଡିଆ କ୍ରୟ କରି ରେକର୍ଡ ସୃଷ୍ଟି କରିଥିବା ବେଳେ ଚଳିତ ବର୍ଷ 45 ଟି ମଣ୍ଡି ମାଧ୍ୟମରେ ମାଣ୍ଡିଆ କ୍ରୟ କରାଯିବାର ଲକ୍ଷ୍ୟ ରଖାଯାଇଛି ବୋଲି ଏହି ଅବସରରେ ଜିଲ୍ଲାପାଳ କହିଛନ୍ତି।
ମାଣ୍ଡିଆ ମଣ୍ଡି
ସେପଟେ ଗତବର୍ଷ ମାଣ୍ଡିଆର ଦାମ କିଲୋ ପିଛା 31.50 ଟଙ୍କା ଥିବାବେଳେ ଚଳିତ ବର୍ଷ କିଲୋ ପିଛା 32.95 ଟଙ୍କା ରହିଛି । ଯାହା ଫଳରେ ଚାଷୀମାନେ ଉତ୍ସାହିତ ଥିବା କହିଛନ୍ତି । ସେହିପରି ପାରମ୍ପରିକ ପଦ୍ଧତିରେ ଉତ୍ପାଦନ କମ ହେଉଥିବା ବେଳେ ବର୍ତ୍ତମାନ ପ୍ରଗତି ସ୍ବେଛାସେବୀ ସଙ୍ଗଠନ ସହଯୋଗରେ ଚାଷର ନୂତନ ଧାରା ପ୍ରୟୋଗ କରି ଅଧିକ ମାଣ୍ଡିଆ ଅମଳ ହୋଇପାରିଥିବା ରାଇସିଙ୍ଗର ମହିଳା ଚାଷୀ ରତ୍ନମଣି ଖରା କହିଛନ୍ତି ।