କୋରାପୁଟ: ଆଜି ସକାଳୁ ଜୟପୁର ଉପ କାରାଗାରରେ ପୋଲିସର ଚଢାଉ । ଆରକ୍ଷୀ ଅଧିକ୍ଷକ ବରୁଣ ଗୁଣ୍ଟାପଲିଙ୍କ ନେତୃତ୍ବରେ ଚଢ଼ାଉ କରିଛି । କଏଦୀଙ୍କ ପାଖରୁ ବିଭିନ୍ନ ବ୍ୟାୟାମ ପାଇଁ ବ୍ୟବହୃତ ସମାଗ୍ରୀ ଓ ନଗଦ ଟଙ୍କା ଜବତ କରିଛି ପୋଲିସ ।
ଉପ କାରାଗାରରେ ପୋଲିସର ଚଢ଼ାଉ
ସୁଚନାଅନୁସାରେ, ପୋଲିସ କରାଗାରରେ ଆତର୍କିତ ଚଢାଉ କରିଥିଲା । ଚଢାଉରେ କଏଦୀଙ୍କ ନିକଟରୁ ଏକ ମୋବାଇଲ, ପେନ୍ ଡ୍ରାଇଭ ଓ ନଗଦ 18ହଜାର ଟଙ୍କା ଜବତ କରିଛି ପୋଲିସ । ଏଥି ସହ କିଛି ଲୁହା ରଡ଼ , ବ୍ୟାୟାମ ପାଇଁ ବ୍ୟବହୃତ ଡମ୍ବଲସ, ଷ୍ଟେମିନା ପାଉଡର ଓ ନିଶାଦ୍ରବ୍ୟ ଜବତ ହୋଇଛି । ଜେଲ ପରିସରରେ ଏତେ ସୁରକ୍ଷା ମଧ୍ୟରେ କିପରି ଫୋନ ସହ ଏସବୁ ସାମଗ୍ରୀ ଜେଲ ପରିସରକୁ ଗଲା ସେ ନେଇ ତଦନ୍ତ କରାଯିବ ବୋଲି କହିଛନ୍ତି ଏସପି ବରୁଣ ଗୁଣ୍ଟାପାଲି ।