କୋରାପୁଟ: ରବିବାର ରାଜ୍ୟ ପୋଲିସ ମହାନିର୍ଦ୍ଦେଶକ ଅଭୟ କୋରାପୁଟ ଗସ୍ତରେ ଆସି ସଶସ୍ତ୍ର ଆରଆଇ କାର୍ଯ୍ୟାଳୟର ଶୁଭ ଉଦଘାଟନ କରିଛନ୍ତି । ଏହାସହିତ ଏହି ଅଞ୍ଚଳ ଶାନ୍ତି ଶୃଙ୍ଖଳା ରକ୍ଷା କରିବାରେ ସଫଳତା ହାସଲ କରିଥିବାରୁ ସେ ସନ୍ତୋଷ ବ୍ୟକ୍ତ କରିଥିବା ଦେଖିବାକୁ ମିଳିଛି ।
ପୋଲିସ ଡ଼ିଜିଙ୍କ କୋରାପୁଟ ଗସ୍ତ, ସଶସ୍ତ୍ର RI କାର୍ଯ୍ୟାଳୟର କଲେ ଉଦଘାଟନ
ଅଭୟ ଆରକ୍ଷୀ ଅଧିକ୍ଷକ, ବିଏସଏଫ ଓ ସିଆରପିଏଫର କମାଣ୍ଡରଙ୍କ ଉପସ୍ଥିତିରେ ଜିଲ୍ଲାର ସୁରକ୍ଷାର ସ୍ଥିତି ସମୀକ୍ଷା କରିଛନ୍ତି । ଗତ ଦିନ ଗୁଡିକରେ ଏହି ଅଞ୍ଚଳରେ ମାଓବାଦୀଙ୍କ କାର୍ଯ୍ୟକଳାପ ଉପରେ ନିୟନ୍ତ୍ରଣ ଆଣିବା ସହ ଗଞ୍ଜେଇ ଚାଲାଣ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ସେ କହିଛନ୍ତି । ଏଥିସହିତ ଏହି ଅଞ୍ଚଳରେ ଶାନ୍ତି ଶୃଙ୍ଖଳା ବଜାୟ ରହିଥିବାରୁ ସେ ଏନେଇ ଖୁସିବ୍ୟକ୍ତ କରିଛନ୍ତି ।