କୋରାପୁଟ: ଆଦର୍ଶ ବିଦ୍ୟାଳୟରେ ଖାଲି ପଡିଛି ଇଂରାଜୀ ଶିକ୍ଷକଙ୍କ ପଦବୀ । ଯଦ୍ବାରା ଛାତ୍ରଛାତ୍ରୀଙ୍କୁ ଇଂରାଜୀ ପାଠ ପଢାଇବାରେ ନାଁରେ ପ୍ରତାରିତ କରାଯାଉଥିବା ଅଭିଯୋଗ ହୋଇଛି । ବାଧ୍ୟ ହୋଇ ଆଜି ଅନଶନରେ ବସିଥିଲେ ବିଦ୍ୟାଳୟର ଛାତ୍ରଛାତ୍ରୀ । ଘଟଣାଟି ହେଉଛି କୋରାପୁଟ ଜିଲ୍ଲା ପଟ୍ଟାଙ୍ଗୀ ବ୍ଲକ ଅନ୍ତର୍ଗତ ଓଡିଶା ଆଦର୍ଶ ବିଦ୍ୟାଳୟର ଏକ ଇଂରାଜୀ ମାଧ୍ୟମିକ ବିଦ୍ୟାଳୟର ।
ଦୀର୍ଘ 8 ମାସ ଧରି ବିଦ୍ୟାଳୟରେ ଖାଲି ପଡିଛି ଇଂରାଜୀ ଶିକ୍ଷକଙ୍କ ପଦବୀ । ଏନେଇ ସରକାର ତଥା ବିଭାଗୀୟ ଅଧିକାରୀ ଆବଶ୍ୟକ ପଦକ୍ଷେପ ନେବାକୁ ଅଭିଭାବକମାନେ ବହୁବାର ଜିଲ୍ଲା ପ୍ରଶାସନ ନିକଟରେ ଆବେଦନ କରିଛନ୍ତି । ହେଲେ କୌଣସି ସୁଫଳ ମିଳିନାହିଁ । ତେବେ ଜିଲ୍ଲା ଶିକ୍ଷା ଅଧିକାରୀ ପ୍ରମୋଦ କୁମାର ପଣ୍ଡା ଵିଦ୍ୟାଳୟକୁ ଆସି ଛାତ୍ରଛାତ୍ରୀଙ୍କ ସହ ଆଲୋଚନା କରିବା ପରେ ନନ୍ଦପୁର କିମ୍ବା ଅନ୍ୟ କୌଣସି ସ୍ଥାନରୁ ଶିକ୍ଷକ ଆଣି ଏହି ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେବା ସହ ଗୋଟିଏ ଗ୍ଲାସ ପାଣି ପିଆଇ ଛାତ୍ରଛାତ୍ରୀଙ୍କୁ ଅନଶନରୁ ଉଠାଇଥିଲେ ।