କୋରାପୁଟ:କୋରାପୁଟସ୍ଥିତ ମେଡ଼ିକାଲ କଲେଜ ହସ୍ପିଟାଲରେ ଅବ୍ୟବସ୍ଥା । ରୋଗୀ ନିଜ ଭାଗ୍ୟକୁ ନିଜେ ଆଦରି ପଡି ରହୁଥିବା ଅଭିଯୋଗ ହୋଇଛି । ହସ୍ପିଟାଲରେ ରୋଗୀଙ୍କ ପାଇଁ ଷ୍ଟ୍ରେଚର ଓ ହ୍ବିଲ ଚେୟାର ନ ଥିବା ଯୋଗୁଁ ଆମ୍ବୁଲାନ୍ସରୁ ଓହ୍ଲାଇ ଆସିବା ପରେ ନାହିଁ ନଥିବା କଷ୍ଟ ଭୋଗୁଛନ୍ତି ।
ଷ୍ଟ୍ରେଚର କି ହ୍ବିଲ ଚେୟାର ନାହିଁ, ହନ୍ତସନ୍ତ ରୋଗୀ
ରୋଗୀ କାହା କାନ୍ଧକୁ ଆଶ୍ରା କରି ଗୋଡ଼କୁ ଚଟାଣରେ ଘୋଷାଡି ଘୋଷାଡ଼ି ମହଲା ପରେ ମହଲା ଚଢୁଥିବାବେଳେ ଯେଉଁ କେତେକ ଷ୍ଟ୍ରେଚର ବା ହ୍ବିଲ ଚେୟାର ରହିଛି, ସେଥିରେ ଅକ୍ସିଜେନ ସିଲିଣ୍ଡର ଏପରିକି ଅଳିଆ ବାକ୍ସରେ ନିଆଯାଉଥିବା ଅଭିଯୋଗ ହୋଇଛି ।ଆମ୍ବୁଲାନ୍ସ ଚାଳକ ଦୟା କଲେ ଆମ୍ବୁଲାନ୍ସରେ ଥିବା ଷ୍ଟ୍ରେଚରରେ ରୋଗୀ ବୁହାହୋଇ ଯିବାର ସୁଯୋଗ ପାଉଥିବା ବେଳେ ହସ୍ପିଟାଲ ପ୍ରଶାସନ ନିଘୋଡ ନିଦ୍ରାରେ ଶୋଇପଡିଥିଲା ଭଳି ଲାଗୁଚି ବୋଲି ସ୍ବେଚ୍ଛାସେବୀ କାମାକ୍ଷା ପ୍ରସାଦ ମତ ରଖିଛନ୍ତି ।