କୋରାପୁଟ:ସ୍ବାସ୍ଥ୍ୟଜନିତ ସମସ୍ୟା ପାଇଁ ଜୟପୁର ମେଡିକାଲରେ ଭର୍ତ୍ତି ହୋଇଥିଲେ ପଦ୍ମଶ୍ରୀ କମଳା ପୂଜାରୀ । ବର୍ତ୍ତମାନ ତାଙ୍କ ସ୍ବାସ୍ଥ୍ୟବସ୍ଥାରେ ସୁଧାର ଆସୁଛି । ସ୍ବାସ୍ଥ୍ୟବସ୍ଥା ସ୍ଥିର ଥିବା ସୂଚନା ଦେଇଛନ୍ତି କୋରାପୁଟ ମୁଖ୍ୟ ଚିକିତ୍ସାଳୟ ସିଡିଏମଓ ଡାକ୍ତର ଅରୁଣ ପାଢୀ । ଜ୍ବର ସହ ଝାଡାବାନ୍ତି ହେଉଥିବାରୁ ସୋମବାର ତାଙ୍କୁ ଜୟପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
ପଦ୍ମଶ୍ରୀ କମଳା ପୂଜାରୀଙ୍କ ସ୍ବାସ୍ଥ୍ୟବସ୍ଥା ସ୍ଥିର
ଜିଲ୍ଲା ମୁଖ୍ୟ ଚିକିତ୍ସାଳୟର ସ୍ୱତନ୍ତ୍ର କେବିନରେ ତାଙ୍କୁ ଚିକିତ୍ସା କରିଥିଲେ ସ୍ୱତନ୍ତ୍ର ଡାକ୍ତରୀ ଦଳ । ସେ ସମ୍ପୂର୍ଣ୍ଣ ଭଲ ଅଛନ୍ତି । ତାଙ୍କର ସ୍ବାସ୍ଥ୍ୟବସ୍ଥା ଉପରେ ନଜର ରଖାଯାଇଛି । ଦିନେ କି ଦୁଇ ଦିନ ଭିତରେ ତାଙ୍କୁ ଡିସଚାର୍ଜ କରାଯିବା ନେଇ ସୂଚନା ଦେଇଛନ୍ତି ସିଡିଏମଓ । ପୂର୍ବରୁ ଥରେ ମଧ୍ୟ ତାଙ୍କ ଦେହ ଖରାପ ହୋଇଥିଲା । ଜ୍ବର ଓ ଝାଡାବାନ୍ତି ପାଇଁ କିିଛି ଖାଇ ନଥିବାକୁ ସେ ଦୁର୍ବଳ ହୋଇଯାଇଛନ୍ତି । ବର୍ତ୍ତମାନ ସେ ଠିକ ଥିବା କହିଛନ୍ତି ସିଡିଏମଓ ଅରୁଣ ପାଢୀ ।