କୋରାପୁଟ: ବିଭିନ୍ନ ଅଞ୍ଚଳର ବଣ ପର୍ବତରୁ ମିଳୁଥିବା ସାମଗ୍ରୀରେ ପ୍ରାକୃତିକ ଭାବେ ଝାଡୁ ଉତ୍ପତ୍ତି ହୋଇଆସୁଥିବା ବେଳେ ବର୍ତ୍ତମାନ କୋରାପୁଟ ଝାଡୁର ଚାହିଦା ବଢିବାରେ ଲାଗିଛି । ଫଳରେ କୋଟିଆ ଭଳି ପାର୍ବତ୍ୟ ଇଲାକାରେ ଆଦିବାସୀ ଝାଡୁ ଚାଷ କରିବା ଆରମ୍ଭ କରିଛନ୍ତି ।
ଝାଡୁ ଚାଷୀଙ୍କ ଉନ୍ନତି ପାଇଁ ପ୍ରୟାସ କରୁଛି
ତେବେ ଝାଡୁର ଫୁଲଯୁକ୍ତ ଖଡ଼ିକାକୁ ତୋଳିଆଣିବା ପରେ ତାକୁ ଆଧୁନିକ ପଦ୍ଧତିରେ ବାନ୍ଧି ପାରୁନଥିବା ଯୋଗୁଁ ବ୍ୟବସାୟୀଙ୍କ ପାଖରେ ଶାଗମାଛ ଦରରେ ବିକ୍ରି କରିଦେଇଥିବା ମହିଳା ଚାଷୀ ଜଣାଇଛନ୍ତି । କିନ୍ତୁ, କାଫକୋ ଓ ଓରମାସର ମିଳିତ ପ୍ରୟାସରେ ଆଧୁନିକ ପ୍ରଣାଳୀରେ ପ୍ଲାଷ୍ଟିକ ଓ ମେଟାଲ ଖୋଳରେ ପୁରାଇ ବାନ୍ଧିବାର କୌଶଳ ମିଳିବା ପରେ ନିଜ ଉତ୍ପାଦର ଅଧିକ ମୂଲ୍ୟ ପାଇପାରିବେ ବୋଲି ମହିଳା ଚାଷୀମାନେ ଆଶା ବାନ୍ଧିଛନ୍ତି ।