ନୂଆଦିଲ୍ଲୀ: ଦିଲ୍ଲୀରେ ଚାଲିଥିବା କୃଷି ଆନ୍ଦୋଳନରେ ସାମିଲ ହେଲେ କୋରାପୁଟ ସାଂସଦ ସପ୍ତଗିରି ଉଲାକା । ଚାଷୀଙ୍କୁ ସମର୍ଥନ କରି ଦିଲ୍ଲୀ ଜନ୍ତରମନ୍ତରରେ ଧାରଣାରେ ଦେଇଛନ୍ତି ସାଂସଦ । କୃଷି ଆଇନକୁ ବିରୋଧ କରି ଡିସେମ୍ବର 7 ତାରିଖରୁ ପଞ୍ଜାବର ସାଂସଦ ଓ ବିଧାୟକମାନେ ଧାରଣାରେ ପ୍ରଦର୍ଶନ କରୁଛନ୍ତି ।
ଚାଷୀଙ୍କୁ ସମର୍ଥନ କରି ଦିଲ୍ଲୀ ଜନ୍ତରମନ୍ତରରେ କୋରାପୁଟ ସାଂସଦ
ସାଂସଦ କହିଛନ୍ତି, କୃଷି ଆଇନକୁ ଚାଷୀ ସଙ୍ଗଠନ ବିରୋଧ କରୁଛନ୍ତି । କେନ୍ଦ୍ର ସରକାର ଏହି ଆଇନକୁ ପ୍ରତ୍ୟାହାର କରିନିଅନ୍ତୁ। ଯେଉଁଭଳି ଭାବେ ଏହି ନିୟମକୁ ରାଜ୍ୟସଭାରେ ପାରିତ କରାଯାଇଛି ତାହା ଭୁଲ । ତେଣୁ କେନ୍ଦ୍ର ସରକାର ଏ ସଂକ୍ରାନ୍ତରେ ସ୍ବତନ୍ତ୍ର ଅଧିବେଶନ ଡାକି ଏକ ଚୟନ କମିଟି ଗଠନ କରି ପୁଣି ଥରେ ଆଇନ ପ୍ରସ୍ତୁତ କରିବାକୁ ଦାବି କରିଛନ୍ତି ସାଂସଦ ।