କୋରାପୁଟ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଗତ ସୋମବାର ଠାରୁ କୋରାପୁଟରେ ପ୍ରାର୍ଥୀ ନାମାଙ୍କନ ପତ୍ର ଦାଖଲ ଆରମ୍ଭ ହୋଇଛି। ଜିଲ୍ଲାର 14ଟି ବ୍ଲକରେ 29ଟି ଜିଲ୍ଲା ପରିଷଦ ସଦସ୍ୟ ଆସନ ପାଇଁ ପ୍ରାର୍ଥୀ ନାମାଙ୍କନ ପତ୍ର ଫର୍ମ କ୍ରୟ କରିଛନ୍ତି। ସେହିଭଳି 240ଟି ସରପଞ୍ଚ , 2973 ଟି ୱାର୍ଡ ମେମ୍ବର ତଥା 240ଟି ସମିତି ସଭ୍ୟ ଆସନ ପାଇଁ ନାମାଙ୍କନ ପତ୍ର ଦାଖଲ କରିବା ଆରମ୍ଭ ହୋଇଯାଇଛି ।
ସ୍ବାଭିମାନ ଅଞ୍ଚଳ ନିର୍ବାଚନ ପାଇଁ ଆଶାବାଦୀ ଅଛନ୍ତି ଦଳ
କୋରାପୁଟରେ ନାମାଙ୍କନ ପତ୍ର ଦାଖଲ ପାଇଁ ପ୍ରଥମ ଦିନରେ 97ଟି ୱାର୍ଡ ମେମ୍ବର ଏବଂ 47ଟି ସମିତି ସଭ୍ୟ ପଦବୀ ପାଇଁ ପ୍ରାର୍ଥୀ ଫର୍ମ ପୂରଣ କରିଛନ୍ତି। 12ଟି ସମିତି ସଭ୍ୟ ଆସନ ପାଇଁ ପ୍ରାର୍ଥୀପତ୍ର ଦାଖଲ ହୋଇଥିବା ବେଳେ ଜିଲ୍ଲା ପରିଷଦ ଆସନ ପାଇଁ କେହି ନାମାଙ୍କନ ପତ୍ର ଦାଖଲ କରି ନଥିବା ଜଣାପଡ଼ିଛି । କୋରାପୁଟ ଜିଲ୍ଲାରେ ଗତ ବର୍ଷ ତୁଳନାରେ ଚଳିତ ବର୍ଷ ନୂଆ ଭୋଟରଙ୍କ ତାଲିକା ବୃଦ୍ଧି ପାଇଛି ।