କୋରାପୁଟ:ଅବ୍ୟବସ୍ଥାରେ ଶ୍ମଶାନ । ଅନ୍ତିମ ସଂସ୍କାରଠୁ ପିଣ୍ଡ ଦାନ ସବୁ କାର୍ଯ୍ୟ ଏହିଠାରେ ହୋଇଥାଏ ହେଲେ ଏଠି ନିଆଁ ଅଛି ସତ ହେଲେ ପାଣି ନାହିଁ । ଅବ୍ୟବସ୍ଥା ଘେରରେ ରହିଛି ଶ୍ମଶାନ । ଟ୍ୟାପ ଲାଗିଛି ହେଲେ ପାଣି ଆସୁନି । ଏଥିପ୍ରତି ଯେମିତି କାହାର ଦୃଷ୍ଟି ପଡୁନାହିଁ ।
ଅଳିଆ ଆବର୍ଜନାରେ ଭର୍ତ୍ତି ଶ୍ମାଶାନ
ପାଣି ଟାଙ୍କି ଅଛି ହେଲେ ଖାଲି । ଶ୍ମଶାନର ଉନ୍ନତିକରଣ ନିମନ୍ତେ କୋଟିଏ ଟଙ୍କା ଖର୍ଚ୍ଚ କରାଯାଉଥିଲେ ହେଁ ଶ୍ମଶାନ କର୍ମର ବହୁ ଗୁରୁତ୍ୱପୂର୍ଣ୍ଣ ଉପାଦାନ ଭାବେ ପରିଗଣିତ ହେଉଥିବା ଜଳର ଅଭାବ କୋରାପୁଟ ବାସୀଙ୍କ ମନରେ ଅସନ୍ତୋଷ ଭରି ଦେଇଛି । ଅନ୍ତିମ ଶ୍ମଶାନ ରୀତି ନୀତି ସମ୍ପନ୍ନ କରିବା ପାଇଁ ପରିବାର ଲୋକେ ପାଖ ଦୋକାନରୁ ପିଇବା ପାଣି କିଣିବାକୁ ପଡୁଛି । ପାଣି ବୋତଲ କିଣି କରିବାର ସାମର୍ଥ୍ୟ ନଥିବା ପରିବାର ବର୍ଗ ନିକଟସ୍ଥ ଅପରିଷ୍କାର ପୋଖରୀରୁ ପାଣି ଆଣି କାର୍ଯ୍ୟ ତୁଲାଉଥିବା ଦେଖାଦେଇଛି ।