କୋରାପୁଟ: ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲ ଦ୍ଵାରା ପରିଚାଳିତ ART କେନ୍ଦ୍ରରେ କର୍ମଚାରୀଙ୍କ ଘୋର ଅଭାବ ଯୋଗୁଁ ଏହି କେନ୍ଦ୍ରକୁ ଔଷଧ ନେବା ପାଇଁ ଆସୁଥିବା 3000ରୁ ଊର୍ଦ୍ଧ୍ଵ ଏଚଆଇଭି ସଂକ୍ରମିତ ବ୍ୟକ୍ତି ଉଚିତ ସେବା ପାଇପାରୁନଥିବା ଅଭିଯୋଗ ହୋଇଛି । କୋରାପୁଟ ଜିଲ୍ଲାର ଏଚଆଇଭି ସଂକ୍ରମିତ ବ୍ୟକ୍ତିଙ୍କ ସଂଗଠନ ଏନକେପି ପ୍ଲସର ନିର୍ଦ୍ଦେଶକ ସୋମନାଥ ମହାନ୍ତିଙ୍କ କହିବା ଅନୁଯାୟୀ ଗତ ଏକ ବର୍ଷ ଧରି ଏହି କେନ୍ଦ୍ରରେ ଏପରି ଅବ୍ୟବସ୍ଥା ଦେଖାଦେଇଛି ।
ART କେନ୍ଦ୍ରରେ ନାହାନ୍ତି କର୍ମଚାରୀ: ମିଳୁନି ଔଷଧ, ହନ୍ତସନ୍ତ HIV ସଂକ୍ରମିତ
ସମ୍ପୂର୍ଣ୍ଣ ସୂଚନା ଅନୁସାରେ କୋରାପୁଟ, ନବରଙ୍ଗପୁର ଓ ମାଲକାନଗିରି ଜିଲ୍ଲାର ସମସ୍ତ HIV ସଂକ୍ରମିତ ବ୍ୟକ୍ତି କୋରାପୁଟର ଏହି କେନ୍ଦ୍ର ଉପରେ ଔଷଧ ତଥା ଆନୁଷଙ୍ଗିକ ପରୀକ୍ଷା ପାଇଁ ନିର୍ଭରଶୀଳ ଥିବାବେଳେ କେନ୍ଦ୍ର ଚଳାଇବା ପାଇଁ କେବଳ ଜଣେ କର୍ମଚାରୀ ନିୟୋଜିତ ହୋଇଛନ୍ତି । ଏହା ସରକାରଙ୍କ ଚରମ ଅଣଦେଖାର ନିଦର୍ଶନ ବୋଲି ସେ ମତ ରଖିଛନ୍ତି ।