କୋରାପୁଟ: ରାତି ପାହିଲେ ପୌର ନିର୍ବାଚନ ପାଇଁ ମତଦାନ ହେବା । ଏଥିପାଇଁ କୋରାପୁଟ ଜିଲ୍ଲାରେ ପ୍ରଶାସନ ପକ୍ଷରୁ ସରିଛି ପ୍ରସ୍ତୁତି । ତେବେ ଡେଙ୍ଗାଗୁଡ଼ା ଗ୍ରାମବାସୀ ନିର୍ବାଚନରେ ଭାଗ ନେବେ କି ନାହିଁ କୌଣସି ନିଷ୍ପତ୍ତି ନେଇ ନାହାନ୍ତି । ଏହି ଗାଁରେ ଅଙ୍ଗନବାଡ଼ି ନଥିବା ବେଳେ ଚାଲିଥିବା ବିଦ୍ୟାଳୟକୁ ବନ୍ଦ କରି ଦିଆଯାଇଥିବା ଯୋଗୁଁ ପିଲାଙ୍କ ପାଠ ପଢ଼ିବା ପାଇଁ ତିନି କିଲୋମିଟର ଦୂରକୁ ଯିବାକୁ ପଡୁଛି ।
Municipal Election: କୋରାପୁଟରେ ଭୋଟ ବର୍ଜନ
ତେବେ ତେନ୍ତୁଳିଗୁଡ଼ାରେ ଥିବା ବିଦ୍ୟାଳୟ ଓ ଅଙ୍ଗନବାଡ଼ି କେନ୍ଦ୍ରକୁ ଯିବା ପାଇଁ ବାଧ୍ୟ ହେଉଛନ୍ତି ଗାଁ ଲୋକେ । କୁନି କୁନି ଛୁଆଙ୍କୁ ଅଙ୍ଗନବାଡ଼ି ସେବା ଯୋଗାଇ ଦେବା ପରିବାର ବର୍ଗଙ୍କ ପାଇଁ କାଠିକର ପାଠ ହୋଇଥିବା ବେଳେ ତେନ୍ତୁଳିଗୁଡ଼ା ବିଦ୍ୟାଳୟର ଶିକ୍ଷୟତ୍ରୀଙ୍କ ଆସିବା ଉପରେ ଗାଁ ପିଲାଙ୍କ ସ୍କୁଲ ଯିବା ନିର୍ଭର କରୁଛି ।