କୋରାପୁଟ:ବର୍ଷା ଜଳକୁ ସଂରକ୍ଷିତ କରି ରଖିବା ବ୍ୟବସ୍ଥାକୁ ପୁନରୁଦ୍ଧାର କରିବାକୁ ଦାବି ହୋଇଛି । କୋରାପୁଟ ସହର ମଧ୍ୟରେ ପାହାଡ ଓ ଅନ୍ୟାନ୍ୟ ଉଚ୍ଚ ସ୍ଥାନରୁ ବର୍ଷାଜଳ ଗଡି ଆସି ରାସ୍ତାଘାଟ ଓ ନାଳ ନର୍ଦ୍ଦମା ଦେଇ ନଦୀରେ ମିଶିଯାଉଛି । ବର୍ଷାଜଳ ସଂରକ୍ଷିତ ପାଇଁ ପୌରପରିଷଦ ଆନୁକୁଲ୍ୟରେ ମୁକ୍ତା ଯୋଜନା ଆରମ୍ଭ କରାଯାଇଛି । ହେଲେ ତାହା ଏବେ ଗୋଟେ ପ୍ରକାର ବିପର୍ଯ୍ୟସ୍ତ ହୋଇ ପଡିଛି ।
ସଫଳ ନୁହେଁ ମୁକ୍ତା ଯୋଜନା !
ସହରର 252ଟି ସ୍ଥାନରେ ମାଟି ଖୋଳାଯାଇ ସେଥିରେ ପଥର, ଗୋଡି, ବାଲି, ଭରି ଉପରୁ ଗଡି ଆସୁଥିବା ଜଳକୁ ସଂରକ୍ଷଣ କରିବା ପାଇଁ ବ୍ୟବସ୍ଥା କରାଯାଇଛି । ମହିଳା ସ୍ଵୟଂ ସହାୟକ ଗୋଷ୍ଠୀ ଗୁଡିକ ଏଭଳି କାର୍ଯ୍ୟ କରିଛନ୍ତି । କିନ୍ତୁ ଗତ କିଛିଦିନର ବର୍ଷା ଏହି ଯୋଜନାର ବାସ୍ତବ ସ୍ଥିତିକୁ ସାମନାକୁ ଆଣିଦେଇଛି ।