କୋରାପୁଟ: ଆନ୍ଧ୍ରରୁ ମୋଟର ସାଇକେଲ ଚୋରି କରି ଓଡିଶାରେ ୧୫ ରୁ ୨୦ ହଜାର ଟଙ୍କାରେ ବିକ୍ରି କରୁଥିବା ଗ୍ୟାଙ୍ଗର ମୁଖ୍ୟକୁ ଗିରଫ କରିଛି ଆନ୍ଧ୍ର ପୋଲିସ । କୋରାପୁଟ ଜିଲ୍ଲା ଜୟପୁର ପୋଲିସ ସହାୟତାରେ ମୋଟର ସାଇକେଲ ଚୋର କିଙ୍ଗପିନ ତଥା ପାତ୍ରପୁଟ ଗ୍ରାମ ବାସିନ୍ଦା ସୁବାଶ ଗୋଲରିକୁ ଆନ୍ଧ୍ରପ୍ରଦେଶର ମୁଚିମପୁଟ ପୋଲିସ ଗିରଫ କରିଛି ।
ଓଡିଶା ପୋଲିସ ସହାୟତା ବାଇକ ଚୋରି ଗ୍ୟାଙ୍ଗ ମୁଖ୍ୟ ଅଭିଯୁକ୍ତକୁ ଗିରଫ କଲା ଆନ୍ଧ୍ର ପୋଲିସ
ଅଭିଯୁକ୍ତ ଠାରୁ ତିନୋଟି ଚୋରା ମଟର ସାଇକେଲ ଜବତ କରିଛି ପୋଲିସ । ପୂର୍ବରୁ ମଟର ସାଇକେଲ ଚୋରି ଘଟଣାରେ ଜୟପୁର ପୋଲିସ ସହାୟତାରେ ସେହି ପାତ୍ରପୁଟ ଗ୍ରାମରୁ ୨ ଜଣଙ୍କୁ ଗିରଫ କରିବା ସହ ୬ ଟି ମଟର ସାଇକେଲ ଜବତ କରିଥିଲା ଆନ୍ଧ୍ର ପୋଲିସ । ପୁଣି ଆଜି ମୁଖ୍ୟ ଅଭିଯୁକ୍ତକୁ ଗିରଫ କରିବାରେ ଓଡିଶା ପୋଲିସ ପାଇଁ ବଡ ସଫଳତା । ମୁଚିମପୁଟ ଥାନା ଅଧିକାରୀ ଆର.ସନ୍ତୋଷ କହିଛନ୍ତି ୯ ଜଣ ଚୋର ଅଛନ୍ତି । ଆନ୍ଧ୍ର ପ୍ରଦେଶରୁ ମଟର ସାଇକେଲ ଚୋରି କରି ଓଡିଶା ସୀମାନ୍ତବର୍ତ୍ତୀ କୋରାପୁଟ ଜିଲ୍ଲାରେ ୧୫ ହଜାରରୁ ୨୦ ହଜାର ଟଙ୍କାରେ ବିକ୍ରି କରୁଥିଲେ ।