କୋରାପୁଟ: ବିଭିନ୍ନ ପ୍ରକାର ଅନଲାଇନ୍ ଠକେଇ ସମ୍ପର୍କରେ ସରକାର ସବୁବେଳେ ସଚେତନତା କାର୍ଯ୍ୟକ୍ରମ ଆୟୋଜନ କରୁଛନ୍ତି । ବାରମ୍ବାର ଲୋକଙ୍କୁ ସାବଧାନ କରୁଛନ୍ତି । ହେଲେ ଏହାର ପ୍ରଭାବ ଏବେବି ଅନେକ ଗାଁ ଗହଳି ଲୋକଙ୍କ ଉପରେ ପଡିନଥିବା ଦେଖିବାକୁ ମିଳିଛି । ଏପରିକି ସରକାରୀ ବିଭାଗରେ କାର୍ଯ୍ୟରତ ଜଣେ ଶିକ୍ଷିତ ଯୁବକ ଏହାର ଶିକାର ହୋଇଛନ୍ତି ।
ଅନଲାଇନ୍ ଠକାମୀର ଶିକାର ଯୁବକ, ଲଟେରୀ ଆଶାରେ ହରାଇଲେ 48 ହଜାର ଟଙ୍କା
ସୂଚନା ଅନୁସାରେ ଜିଲ୍ଲାର କଫି ଉନ୍ନୟନ ବିଭାଗରେ କାର୍ଯ୍ୟରତ ଯୁବକ ଟୁନା ଗାଣ୍ଠା କିଛିଦିନ ପୂର୍ବେ ଅନଲାଇନରେ ଗୋଟିଏ କୋଟ୍ ଅର୍ଡର କରିଥିଲେ । ହେଲେ ସେ କେବେ ବି ଭାବିନଥିଲେ ଯେ ଏହି କୋଟ୍ ତାଙ୍କୁ ଏକ ଠକେଇ ଜାଲ ଅଭିମୁଖେ ନେଇଯାଉଛି । ଟୁନାଙ୍କ କହିବା ଅନୁଯାୟୀ ସେ କୋଟ୍ ଅର୍ଡର କରିବାର କିଛିଦିନ ପରେ ସେହି କମ୍ପାନୀର ଏକ ନମ୍ବରରୁ ବାରମ୍ବାର ଫୋନ କଲ ଆସିଲା ।