ଗ୍ୟାସ ସିଲିଣ୍ଡର ଫାଟି ରଘୁନାଥ ମନ୍ଦିରରେ ଅଗ୍ନିକାଣ୍ଡ

ଜୟପୁର ସହର ରଘୁନାଥ ମନ୍ଦିର ରୋଷେଇ ଘରେ ଗ୍ୟାସ ଟାଙ୍କି ଫାଟି ଅଗ୍ନିକାଣ୍ଡ । ଅଗ୍ନିକାଣ୍ଡରେ ଜଣେ ଗୁରୁତର ସୂଚନା । ଅଧିକ ପଢନ୍ତୁ

କୋରାପୁଟ: ଗ୍ୟାସ ଟାଙ୍କି ଫାଟି ଜୟପୁର ସହର ରଘୁନାଥ ମନ୍ଦିରରେ ଅଗ୍ନିକାଣ୍ଡ । ଜଣେ ମହିଳା ଆହତ ହୋଇଥିବା ସୂଚନା । ଖବର ଅନୁଯାୟୀ କୌଣସି କାରଣରୁ ରଘୁନାଥ ମନ୍ଦିର ରୋଷେଇ ଘରେ ଗ୍ୟାସ ଟାଙ୍କି ଫାଟି ନିଆଁ ଲାଗିଯାଇଥିଲା । ତେବେ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା ଚଳାଇଛନ୍ତି ।

ସୂଚନାନୁସାରେ ଏହି ଅଗ୍ନିକାଣ୍ଡ ଯୋଗୁଁ ଜଣେ ବ୍ୟକ୍ତି ଗୁରୁତର ହୋଇ ଚିକିତ୍ସିତ ହେଉଛନ୍ତି । ଏହି ଅଗ୍ନିକାଣ୍ଡରେ ମନ୍ଦିର ପରିସରରେ ଥିବା ଦେବୋତ୍ତର କାର୍ଯ୍ୟାଳୟରେ ମଧ୍ୟ କ୍ଷତି ଘଟିଥିବା ଜଣାପଡିଛି । ତେବେ ଗ୍ୟାସ ଟ୍ୟାଙ୍କି କେଉଁ କାରଣରୁ ଫାଟିଲା ତାହା ତଦନ୍ତ ପରେ ସ୍ପଷ୍ଟ ଭାବେ ଜଣାପଡିବ ।

କୋରାପୁଟରୁ ସିଏଚ ଶାନ୍ତକାର, ଇଟିଭି ଭାରତ