କୋରାପୁଟ: କୋଭିଡ କଟକଣାକୁ ଆଖି ଆଗରେ ରଖି କୋରାପୁଟ ଜିଲ୍ଲାରେ ସମସ୍ତ ଦୋକାନ ବଜାର ଖୋଲିବା ଉପରେ ନିୟନ୍ତ୍ରଣ କରାଯାଇଛି । ଲୁଗା, ଜୋତା ପ୍ରଭୃତି ଦୋକାନ ଖୋଲାଯିବା ଉପରେ ସମ୍ପୂର୍ଣ ବାରଣ କରାଯାଇଥିବା ବେଳେ ପରିବା, ଡାଲିଚାଉଳ, ବହି ଦୋକାନ ଓ ବେକେରି ଭଳି ଅତ୍ୟାବଶ୍ୟକ ସାମଗ୍ରୀ ବିକ୍ରି କରୁଥିବା ଦୋକାନ ପାଇଁ ସକାଳ 6 ଟା ଠାରୁ ଦିନ 11ଟା ପର୍ଯ୍ୟନ୍ତ ଖୋଲା ରଖି ବ୍ୟବସାୟ କରିବା ପାଇଁ ଅନୁମତି ଦିଆଯାଇଛି ।
ଲକଡାଉନ ମଧ୍ୟରେ ପେଶୀ ହେଉଛନ୍ତି ସହରର କ୍ଷୁଦ୍ର ବ୍ୟବସାୟୀ
ଏହି ବ୍ୟବସାୟୀଙ୍କ କହିବାନୁଯାୟୀ, ସରକାର ସକାଳ 6ଟାରୁ ଦୋକାନ ଖୋଲିବା ପାଇଁ ଅନୁମତି ଦେଇଥିଲେ ହେଁ ଗ୍ରାହକ ପ୍ରାତଃ ଭ୍ରମଣ ଇତ୍ୟାଦି ସମାପ୍ତ କରି ଦୋକାନ ପାଖକୁ ଆସିଲାବେଳକୁ ପ୍ରାୟ 8ଟା ବାଜି ଯାଉଛି । ତେଣୁ ବାସ୍ତବରେ ଦୋକାନୀକୁ ମାତ୍ର ତିନି ଘଣ୍ଟା ବ୍ୟବସାୟ କରିବାକୁ ସମୟ ମିଳୁଥିବା ସେମାନେ ଅଭିଯୋଗ କରିଛନ୍ତି । ପରିବା ଦୋକାନରେ ଓ ବେକେରିରେ ଗ୍ରାହକ ତଟକା ପରିବା ଓ ସଜ କେକ୍ ଓ ପାଉରୁଟି ମାଗୁଥିବା ଯୋଗୁଁ ବ୍ୟବସାୟ ମାନ୍ଦା ପଡୁଛି ।