କୋରାପୁଟ: କୋରୋନା ଆତଙ୍କରେ ସମସ୍ତେ ଆଉଟୁ ପାଉଟୁ ହେଉଛନ୍ତି । ଖାଲି ମଣିଷ ନୁହନ୍ତି ପଶୁପକ୍ଷୀଙ୍କ କ୍ଷେତ୍ରରେ ମଧ୍ୟ ଏହି ସମାନ ଅବସ୍ଥା ଦେଖିବାକୁ ମିଳିଛି । ଲକଡାଉନରେ ସରକାର ବୁଲା ଗାଈ ଗୋରୁଙ୍କ ପାଇଁ ଆବଶ୍ୟକ ହେଉଥିବା ପରିମାଣର ଖାଦ୍ୟ ପାଇଁ କିଛି ବ୍ୟବସ୍ଥା କରିଥିଲେ । କିନ୍ତୁ ଘରେ ଗୋଚାଳନ କରୁଥିବା ଚାଷୀ ଦାନା ଅଭାବରୁ ନାନା ଅସୁବିଧାର ସମ୍ମୁଖୀନ ହୋଇଛନ୍ତି ।
ଘରୋଇ ଦାନାକୁ ନାହିଁ ଭରଷା, ବାହାରୁ ପଡୁଛି ମହଙ୍ଗା
ବୁଲା ଗାଈଗୋରୁଙ୍କୁ କେହି ସହୃଦୟ ବ୍ୟକ୍ତି ବଳକା ଖାଦ୍ୟ ଦେଉଥିବା ବେଳେ ପନିପରିବା ବିକିବାକୁ ଆସୁଥିବା ଚାଷୀମାନେ ଯେଉଁ ପରିବା ଛାଡି ଯାଉଥିଲେ ତାକୁ ଖାଇ ଗାଈଗୋରୁମାନେ ନିଜ ଅଧା ପେଟ ପୁରା କରୁଥିଲେ । କିନ୍ତୁ ଗୋପାଳନ କରୁଥିବା ଚାଷୀମାନେ ଗାଈମାନଙ୍କ ପାଇଁ ଦାନା ଯୋଗାଡ କରିବାରେ ଅସୁବିଧା ଭୋଗୁଥିଲେ । ଲକଡାଉନ ଆରମ୍ଭରୁ ପ୍ରାଥମିକ ପର୍ଯ୍ୟାୟରେ ଗାଡିଚଳାଚଳ ସମ୍ପୂର୍ଣ୍ଣ ଭାବରେ ଠପ ହୋଇଯାଇଥିଲା । ଯାହା ଦ୍ବାରା ଗାଈଙ୍କ ଦାନା ଆସି ପାରୁ ନଥିଲା ।