କୋରାପୁଟ: କୋରାପୁଟ କଂଗ୍ରେସର ଟାଣୁଆ ନେତା କୈଳାଶ କୁଲେସିକା ବିଜେଡିରେ ଯୋଗଦେବା ପରେ ପ୍ରତିକ୍ରିୟା ରଖିଲେ ଜିଲ୍ଲା ସଭାପତି ମୀନାକ୍ଷୀ ବାହିନୀପତି । କୈଳାଶ କଂଗ୍ରେସ ଛାଡି ବିଜେଡିରେ ଯୋଗଦେବା ଦୁର୍ଭାଗ୍ୟଜନକ, ମାତ୍ର ଏହା କୋରାପୁଟ ଜିଲ୍ଲା କିମ୍ବା ଲକ୍ଷ୍ମୀପୁର ନିର୍ବାଚନ ମଣ୍ଡଳୀ ଉପରେ କୌଣସି ପ୍ରଭାବ ପକାଇବ ନାହିଁ ବୋଲି ସେ କହିଛନ୍ତି ।
'କୁଲେସିକାଙ୍କ ବିଜେଡିରେ ଯୋଗଦାନ କଂଗ୍ରେସରେ ପ୍ରଭାବ ପକାଇବ ନାହିଁ'
ତେବେ ଗତ ୨୦୧୯ ସାଧାରଣ ନିର୍ବାଚନରେ ଲକ୍ଷ୍ମୀପୁର ବିଧାନସଭା ନିର୍ବାଚନ ମଣ୍ଡଳିରୁ କଂଗ୍ରେସ ପ୍ରାର୍ଥୀ ଭାବେ ପ୍ରତିଦ୍ବନ୍ଦିତ୍ବ କରି ମାତ୍ର ୨୨୯ ଟି ଭୋଟରେ ବିଜେଡି ପ୍ରାର୍ଥୀଙ୍କ ଠାରୁ ପରାଜିତ ହୋଇଥିଲେ କୁଲେସିକା । କିନ୍ତୁ ଗତ କିଛିଦିନ ହେବ ତାଙ୍କର ଜିଲ୍ଲା କଂଗ୍ରେସ ସଭାନେତ୍ରୀ ମୀନାକ୍ଷୀଙ୍କ ସହ ମନାନ୍ତର ଚର୍ଚ୍ଚାର ବିଷୟ ପାଲଟିଥିଲା । ତେବେ ଏହା କୈଳାଶଙ୍କ ବିଜେଡିରେ ମିଶିବାର ପୂର୍ବାଭାଷ ଥିଲା ବୋଲି ମୀନାକ୍ଷୀ କହିଛନ୍ତି ।