କୋରାପୁଟ: କୋରୋନା ସଂକ୍ରମଣକୁ ରୋକିବା ପାଇଁ କୋରାପୁଟ ଜିଲ୍ଲା ପୋଲିସର ଅଭିନବ ପ୍ରୟାସ । ବର୍ତ୍ତମାନ ଜିଲ୍ଲାର ବିଭିନ୍ନ ସ୍ଥାନରେ ମୁତୟନ ପୋଲିସ କର୍ମୀଙ୍କ ଶରୀରର ତାପମାତ୍ରା ପରୀକ୍ଷା କରିବା ପାଇଁ ଜିଲ୍ଲା ପୋଲିସ ଦ୍ବାରା ଆରମ୍ଭ ହୋଇଛି ସ୍ବତନ୍ତ୍ର ଅଭିଯାନ । ଏହି ଅଭିଯାନ ପାଇଁ ଜିଲ୍ଲା ପୋଲିସ ଦ୍ବାରା ଦୁଇଟି ଥର୍ମାଲ ସ୍କାନର ଅଣାଯାଇ ରବିବାର ଜୟପୁରରେ 90 ଜଣ ଓ କୋରାପୁଟରେ 54 ଜଣ ପୋଲିସ କର୍ମୀଙ୍କ ତାପମାତ୍ରା ପରୀକ୍ଷା କରାଯାଇଥିଲା । ଅତିରିକ୍ତ ଆରକ୍ଷୀ ଅଧିକ୍ଷକ ଉତ୍କଳ ରଞ୍ଜନ ଦାସ ଏନେଇ ସୂଚନା ଦେଇଛନ୍ତି ।
ସେ କହିଛନ୍ତି କି ସମସ୍ତଙ୍କ ଶରୀରର ତାପମାତ୍ରା ସାଧାରଣ ରହିଥିବା ଜଣାପଡିଛି । ତେବେ ଆସନ୍ତା ଦିନମାନଙ୍କରେ ଆହୁରି ଅଧିକ ସ୍କାନର ଅଣାଯିବାର ବ୍ୟବସ୍ଥା କରାଯାଉଛି । ଏହାଦ୍ବାରା ଅନ୍ୟ ସ୍ଥାନରେ ଥିବା ପୋଲିସ କର୍ମୀଙ୍କ ସହ ଜିଲ୍ଲାର ସୀମା ଫାଟକରେ ଯିବା ଆସିବା କରୁଥିବା ସାଧାରଣ ବ୍ୟକ୍ତିଙ୍କ ତାପମାତ୍ରା ମଧ୍ୟ ପରୀକ୍ଷା କରାଯାଇପାରିବ ।
ଥର୍ମାଲ ସ୍କାନରରେ ସୁରକ୍ଷା ମାପୁଛି କୋରାପୁଟ ପୋଲିସ