କୋରାପୁଟ: ଓଡ଼ିଆପେଣ୍ଠ ପଞ୍ଚାୟତର ଧରଡ଼ା ଗ୍ରାମରେ ସରକାରଙ୍କ ଦ୍ବାରା ଆସନ୍ତା 2 ତାରିଖରେ ହେବାକୁ ଥିବା ଜନଶୁଣାଣିକୁ ଅଞ୍ଚଳବାସୀ ତୀବ୍ର ବିରୋଧ କରିଛନ୍ତି । ଏହି ଜନଶୁଣାଣିକୁ ବାତିଲ କରାନଗଲେ ବଡ ଆନ୍ଦୋଳନ କରିବା ପାଇଁ ଅଞ୍ଚଳବାସୀ ସରକାରଙ୍କୁ ଚେତାବନୀ ଦେଇଛନ୍ତି ।
କୋଡିଙ୍ଗାମାଳି ଖଣି ସମ୍ପ୍ରସାରଣ ଜନଶୁଣାଣିକୁ ଅଞ୍ଚଳବାସୀଙ୍କ ଘୋର ବିରୋଧ
ଲକ୍ଷ୍ମୀପୁର ନିକଟସ୍ଥ କୋଡ଼ିଙ୍ଗାମାଳି ଠାରେ ଗତ ଚାରି ବର୍ଷ ଧରି ବେଆଇନ ଭାବରେ ଖଣି ଖନନ କରାଯାଉଛି । ଫଳରେ ଅଞ୍ଚଳବାସୀ ବହୁ ମୂଲ୍ୟବାନ ଚାଷ ଜମି ହରାଇବା ସହ ସେମାନେ ବ୍ୟବହାର କରୁଥିବା ପାନୀୟ ଜଳ ଦୂଷିତ ହେବାରେ ଲାଗିଛି ବୋଲି ଅଞ୍ଚଳବାସୀ ଅଭିଯୋଗ କରିଛନ୍ତି । ତେବେ ପୂର୍ବରୁ 3 ନିୟୁତ ଟନ ବକ୍ସାଇଟ ଖୋଳିବା ସମୟରେ କୌଣସି ପଲ୍ଲୀସଭା କିମ୍ବା ଗ୍ରାମସଭା କରାଯାଇନଥିଲା ।