କୋରାପୁଟ: ଖାଁ ଖାଁ ପୋଲିଂ ବୁଥ୍। ଭୋଟ୍ ଦେବାକୁ ଆସି ନାହାନ୍ତି ଭୋଟର। ସାରା ରାଜ୍ୟରେ ବଡ ଉତ୍ସାହରେ ମତଦାନ ଚାଲୁଥିବା ବେଳେ କୋରାପୁଟ ଜିଲ୍ଲାରେ ଓଲଟା ଦୃଶ୍ୟ ଦେଖିବାକୁ ମିଳିଛି। ଲୋକମାନଙ୍କୁ ମୌଳିକ ସୁବିଧା ପ୍ରଦାନ ଦିଗର ସରକାର କୌଣସି ପଦକ୍ଷେପ ଗ୍ରହଣ କରି ନଥିବାରୁ ଭୋଟ୍ ବର୍ଜନ କରିଛନ୍ତି ସଦର ମହକୁମାଠାରୁ ମାତ୍ର ୮ କିଲୋମିଟର ଦୂରରେ ଥିବା ପାଞ୍ଚଟି ଗାଁର ଭୋଟର।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଭୋଟ୍ ଦେବା ବଦଳରେ ସହରର ଗଳିକନ୍ଦି ଠାରୁ ଆରମ୍ଭ କରି ବିଭିନ୍ନ ସ୍ଥାନରେ ସେମାନେ ପୋଷ୍ଟର ଲଗାଇ ପ୍ରତିବାଦ ଜଣାଇଛନ୍ତି । ଫଳରେ ସକାଳୁ ବର୍ତ୍ତମାନ ସୁଦ୍ଧା କୋଲାବ ପୋଲିଂ ବୁଥରେ କେହି ଭୋଟ୍ ଦେଇ ନଥିବା ଜଣାପଡିଛି । ଡୁମୁରିଗୁଡା , ମସିପୁଟ , ଚଣ୍ଡାଳଗୁଡା , ଥାଟଗୁଡା ଓ କୋଲାବ ଗାଁର ଲୋକେ ଭୋଟ୍ ବର୍ଜନ କରିଛନ୍ତି ।