କୋରାପୁଟ: ଜନତାଙ୍କ ଦୁଃଖ ବୁଝିବାକୁ ନିଜେ ସଂକୀର୍ଣ୍ଣ ରେଳ ପୋଲ କଡେ କଡେ ମୋଟର ସାଇକେଲରେ ଯାତ୍ରା କଲେ କୋରାପୁଟ ସାଂସଦ ସପ୍ତଗିରି ଉଲାକା(Koraput MP Saptagiri Ulaka )। ତେବେ କୋରାପୁଟ ଓ ସୁକୁ ମଧ୍ୟରେ ଥିବା କୋଲାବ ଜଳଭଣ୍ଡାର ଉପରେ ସାଧାରଣ ଲୋକେ ଯାତାୟତ କରିବା ପାଇଁ କାହିଁ କେଉଁ କାଳରୁ ସଡକ ପୋଲ ପାଇଁ ଦାବି କରି ଆସୁଥିଲେ ହେଁ ସରକାର କର୍ଣ୍ଣପାତ କରୁନଥିବା ଅଭିଯୋଗ ହୋଇ ଆସୁଥିଲା ।
ଜନତାଙ୍କ ଦୁଃଖ ବୁଝିବାକୁ ସଂକୀର୍ଣ୍ଣ ରେଳ ପୋଲରେ ବାଇକରେ ଯାତ୍ରା କଲେ କୋରାପୁଟ ସାଂସଦ ଏନେଇ କୋରାପୁଟ ସାଂସଦ ସପ୍ତଗିରି ଉଲାକା, ପୋଲ ଓ ପୋଲ ଆରପଟେ ବସବାସ କରିଥିବା ଜନତାଙ୍କ ସମସ୍ୟା ପ୍ରତି ସରକାରଙ୍କ ନିର୍ଲିପ୍ତତାକୁ ପ୍ରତ୍ୟକ୍ଷ ଭାବେ ପରଖିବା ଓ ଲୋକଙ୍କ ସ୍ଥିତିକୁ ବ୍ୟକ୍ତିଗତ ଭାବେ ଅନୁଭବ କରିବା ପାଇଁ ନିଜ ସାଥି କର୍ମୀଙ୍କ ସହ ନିଜେ ଏହି ସଂକୀର୍ଣ୍ଣ ପୋଲ ଉପରେ ମଟର ସାଇକେଲରେ ଯାତ୍ରା କରିଥିଲେ । ଏହାସହ ଵିଭିନ୍ନ ଗ୍ରାମକୁ ଯାଇ ଲୋକଙ୍କ ସହ ସିଧାସଳଖ କଥାବାର୍ତ୍ତା କରିଥିଲେ । ଏପରିକି ଜନତାଙ୍କ ଏହି ସମସ୍ୟାକୁ ସଂସଦରେ ଉପସ୍ଥାପନ କରିଛନ୍ତି ସାଂସଦ ସପ୍ତଗିରି ଉଲାକା ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
