କୋରାପୁଟ: ଚଳିତ ବର୍ଷ ଠାରୁ ଜିଲ୍ଲାର କିଛି ମଣ୍ଡିରୁ ଧାନ କିଣିବା ପାଇଁ ସରକାର ମହିଳା ସ୍ବୟଂ ସହାୟକ ଦଳ ଗୁଡିକୁ ଦାୟିତ୍ବ ଦେବା ପାଇଁ ନିଷ୍ପତ୍ତି ନେଇଥିଲେ । ଆଉ ଏବେ ତାହା ଉପରେ ପୁନର୍ବିଚାର କରିବା ପାଇଁ ଚାଷୀ ଦାବି କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ସୋମବାର ବୈପାରିଗୁଡା ବ୍ଲକର ଶତାଧିକ ଚାଷୀ କୋରାପୁଟ ଜିଲ୍ଲାପାଳଙ୍କୁ ଏ ନେଇ ଏକ ଦାବି ପତ୍ର ଦେଇଛନ୍ତି । ବୈପାରିଗୁଡା ବ୍ଲକର ଜଣେ ଚାଷୀ ନରେନ୍ଦ୍ର କାନ୍ଦୁଲିଆଙ୍କ କହିବା ଅନୁସାରେ, ଲ୍ୟାମ୍ପସ ନିକଟରେ ସବୁ ବ୍ୟବସ୍ଥା ଓ କମ୍ପୁଟର ଚଳାଇବାରେ ଅଭିଜ୍ଞ ବ୍ୟକ୍ତି ଥିଲେ ମଧ୍ୟ ଚାଷୀଙ୍କ ପାଇଁ ମଣ୍ଡିରେ ଧାନ ବିକ୍ରି କରି ଅର୍ଥ ପାଇବାରେ ବିଳମ୍ବ ଘଟୁଛି । ତେବେ କୌଣସି ସୁବିଧା ଓ ଦକ୍ଷତା ନଥିବା ସ୍ବୟଂ ସହାୟକ ଦଳ ଗୁଡିକ ମାଧ୍ୟମରେ ଧାନ କ୍ରୟ କରାଯିବା ଫଳରେ ଚାଷୀ ଅଧିକ ଅସୁବିଧାର ସମ୍ମୁଖୀନ ହେବେ ।