କୋରାପୁଟ: ଲୋକପ୍ରସିଦ୍ଧ ଲାଠିଯାତ୍ରାରେ କମ୍ପି ଉଠିଲା ଶାବର ଶ୍ରୀକ୍ଷେତ୍ର କୋରାପୁଟ । ଦଶହରା ଆସିଲେ କୋରାପୁଟରେ ଲାଠିଯାତ୍ରା ଦେଖିବା ପାଇଁ ଲୋକେ ଅପେକ୍ଷା କରି ରହିଥାନ୍ତି । ଆଜି ମଧ୍ୟ ଏଥିପାଇଁ ବହୁ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ଗ୍ରାମଦେବୀଙ୍କ ପ୍ରତିନିଧି ସ୍ବରୂପ ବିଭିନ୍ନ ଗ୍ରାମରୁ ପ୍ରସ୍ତୁତ ଲାଠି ଆସି ମନ୍ଦିରରେ ପହଞ୍ଚିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଗୁରୁମାଇଙ୍କ ଆଦିବାସୀ ଭାଷାରେ ଉଚ୍ଚାରିତ ମନ୍ତ୍ର ସହିତ ପାରମ୍ପରିକ ବାଦ୍ୟର ଝଙ୍କାର ମଧ୍ୟରେ ସମସ୍ତେ ନାଚି ଉଠିଥିଲେ । ପ୍ରଥମେ ମା' ବିମଳାଙ୍କ ପାଖରେ ଧୂପଦୀପ, ନୈବେଦ୍ୟ ଅର୍ପଣ କରିବା ପରେ ଲମ୍ବା ଲମ୍ବା ଲାଠି ଗୁଡିକୁ ଧରି ଶୋଭାଯାତ୍ରା ବାହାରିଥିଲେ । ଏହି ପାରମ୍ପରିକ ଯାତ୍ରାରେ ଶହଶହ ଆଦିବାସୀ ପରିବାର ସାମିଲ ହୋଇଥିଲେ ।