କୋରାପୁଟ: କଠିନ ପରିଶ୍ରମ ହିଁ ସଫଳତାର ଚାବିକାଠି । ଆଉ ଯେଉଁମାନେ କଠୋର ପରିଶ୍ରମ ବଳରେ ସଫଳତାର ପାହାଚ ଚଢିଛନ୍ତି ସେହି ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରିଛି କୋରାପୁଟ ଜିଲ୍ଲା ପ୍ରଶାସନ । ଜିଲ୍ଲାର ସର୍ବଶ୍ରେଷ୍ଠ ମାର୍କ ରଖିଥିବା ଦଶମ ପାସ କରିଥିବା 87ଜଣ ଛାତ୍ରଛାତ୍ରୀଙ୍କୁ ଜିଲ୍ଲାପାଳ ସୁଦର୍ଶନ ଚକ୍ରବର୍ତ୍ତୀ ସମ୍ମାନିତ କରିଥିଲେ ।
ଅନ୍ୟପଟେ ଚଳିତ ବର୍ଷ ଜିଲ୍ଲାରେ ପାସ୍ ହାର କମିଥିବାରୁ ଏହାର ସମୀକ୍ଷା ଆରମ୍ଭ ହୋଇଛି । ପ୍ରଥମ ପର୍ଯ୍ୟାୟରେ ସମସ୍ତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକମାନଙ୍କ ବୈଠକ ସରିଥିବା ଜିଲ୍ଲା ଶିକ୍ଷା ଅଧିକାରୀ ପ୍ରମୋଦ କୁମାର ପଣ୍ଡା ଜଣାଇଛନ୍ତି । ଖୁବ୍ ଶୀଘ୍ର ବିଷୟଗତ ଶିକ୍ଷକ ଓ ଶିକ୍ଷାବିତ୍ଙ୍କ ପରାମର୍ଶ କ୍ରମେ ଆସନ୍ତା ବର୍ଷ ଉନ୍ନତ ମାନର ଫଳାଫଳ ପାଇବା ପାଇଁ ଏକ ସ୍ୱତନ୍ତ୍ର ଯୋଜନା ପ୍ରସ୍ତୁତ କରାଯିବ ବୋଲି ସେ ସୂଚନା ପ୍ରଦାନ ଦେଇଥିଲେ ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
