ମାହାଙ୍ଗା ହତ୍ୟା ମାମଲା: ମନ୍ତ୍ରୀଙ୍କ ଇସ୍ତଫା ଓ ଗିରଫ ଦାବିରେ ବିଜେପିର ଥାନା ଘେରାଉ

ମାହାଙ୍ଗାରେ ଦୁଇଜଣ ବିଜେପି ନେତାଙ୍କ ହତ୍ୟା ଘଟଣାରେ ଆଇନ ମନ୍ତ୍ରୀ ପ୍ରତାପ ଜେନାଙ୍କ ସମ୍ପୃକ୍ତି ଆରୋପ କରି କୋରାପୁଟ ଜିଲ୍ଲା ବିଜେପି ଦ୍ବାରା ଟାଉନ ଥାନା ଘେରାଉ କରିବା ସହ ମନ୍ତ୍ରୀଙ୍କ କୁଶପୁତ୍ତଳିକା ଦାହ କରାଯାଇଛି । ଅଧିକ ପଢନ୍ତୁ...

କୋରାପୁଟ: ମାହାଙ୍ଗାରେ ଦୁଇଜଣ ବିଜେପି ନେତାଙ୍କ ହତ୍ୟା ଘଟଣା । ଏନେଇ ଆଇନ ମନ୍ତ୍ରୀ ପ୍ରତାପ ଜେନାଙ୍କ ସମ୍ପୃକ୍ତି ଆରୋପ କରି କୋରାପୁଟ ଜିଲ୍ଲା ବିଜେପି ଦ୍ବାରା ଟାଉନ ଥାନା ଘେରାଉ କରିବା ସହ ମନ୍ତ୍ରୀଙ୍କ କୁଶପୁତ୍ତଳିକା ଦାହ କରାଯାଇଛି । ପଡୋଶୀ ରାଜ୍ୟ ପଶ୍ଚିମବଙ୍ଗ ଭଳି ଗତ ନିର୍ବାଚନ ଠାରୁ ଓଡ଼ିଶାରେ ମଧ୍ୟ ବିଜେଡି ସରକାର ରକ୍ତର ହୋଲି ଖେଳି ବିଜେପି ନେତାଙ୍କୁ ହତ୍ୟା କରିଚାଲିଥିବା କୋରାପୁଟର ବିଜେପି ଦଳର ଅଗ୍ରଣୀ ନେତା ତ୍ରିପୁରାରୀ ଗରଡ଼ା ଅଭିଯୋଗ କରିଛନ୍ତି ।

ମାହାଙ୍ଗା ହତ୍ୟାକାଣ୍ଡରେ ଅଭିଯୁକ୍ତ ମନ୍ତ୍ରୀ ପ୍ରତାପ ଜେନାଙ୍କୁ ତୁରନ୍ତ ଗିରଫ କରିବା ସହ ମନ୍ତ୍ରୀପଦରୁ ବହିଷ୍କାର କରିବା ପାଇଁ ସେ ଦାବି କରିଛନ୍ତି । ସବୁ ଜାଣିଶୁଣି ରାଜ୍ୟସରକାର ଯଦି ଉଚିତ ପଦକ୍ଷେପ ନ ନିଅନ୍ତି, ତେବେ ଆଗାମୀ ଦିନରେ ଦଳ ରାଜରାସ୍ତାକୁ ଆସି ଆନ୍ଦୋଳନକୁ ତୀବ୍ରତର କରିବ ବୋଲି ଶ୍ରୀ ଗରଡ଼ା ଚେତାବନୀ ଦେଇଛନ୍ତି ।

କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ