କୋରାପୁଟ:ପ୍ରଧାନମନ୍ତ୍ରୀ ଆବାସ ଯୋଜନା ଗୃହରେ ବିଜୁ ପକ୍କା ଘର ଷ୍ଟିକର ନେଇ ତାତିଲା ବିଜେପି । ଏନେଇ କୋରାପୁଟରେ ଜିଲ୍ଲା ବିଜେପି ପକ୍ଷରୁ ଆଜି(ବୁଧବାର) ସଦର କୋରାପୁଟ ବ୍ଲକ କାର୍ଯ୍ୟାଳୟକୁ ଘେରାଉ କରାଯିବା ସହ ବିକ୍ଷୋଭ ପ୍ରଦର୍ଶନ କରାଯାଇଛି l ଏହାସହ କୋରାପୁଟ ଟାଉନ ଥାନାରେ ମଧ୍ୟ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ 420 ଧାରାରେ ମାମଲା ରୁଜୁ କରିଛି ଜିଲ୍ଲା ବିଜେପି ।
ପିଏମ ଆବାସ ଯୋଜନା ଗୃହରେ ବିଜୁ ପକ୍କାଘର ଷ୍ଟିକର: ଗର୍ଜିଲା ବିଜେପି
ଏହି ପରିପ୍ରେକ୍ଷୀରେ ବିଜେପି ନେତା ଜୟରାମ ପାଙ୍ଗିଙ୍କ ଅଧ୍ୟକ୍ଷତାରେ କୋରାପୁଟ ଜିଲ୍ଲାର ବିଜେପି କର୍ମୀମାନେ ବିଜେଡି ସରକାର ବିରୋଧରେ ସ୍ଲୋଗାନ ଦେଇ କୋରାପୁଟ ବ୍ଲକ ପରିସରରେ ପହଞ୍ଚିଛନ୍ତି l ଦଳୀୟ କର୍ମୀମାନେ ବିଜେଡି କରିଥିବା ଚଞ୍ଚକତା ବିରୋଧରେ ପ୍ରତିବାଦ କରି କୋରାପୁଟ ବିଡ଼ିଓଙ୍କ ସମ୍ମୁଖରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଲାଗୁଥିବା ବିଜୁ ପକ୍କଘର ଷ୍ଟିକରଗୁଡିକ ଚିରିବା ସହିତ ନିଆଁ ଲଗାଇଛନ୍ତି ।