କୋରାପୁଟ: ଜିଲ୍ଲାରେ ଆଇନଜୀବୀଙ୍କୁ କୋଭିଡ଼ ଯୋଦ୍ଧା ମାନ୍ୟତା ଦେବା ପାଇଁ ଦାବି ହୋଇଛି । ଆଇନଜୀବୀମାନେ ପ୍ରତିଦିନ କୋର୍ଟକୁ ଆସି ଜିଲ୍ଲାର ବିଭିନ୍ନ ଅଞ୍ଚଳରୁ ଆସୁଥିବା ଜଣା ଅଜଣା ବ୍ୟକ୍ତିଙ୍କ ସହ ମିଶୁଛନ୍ତି । ଏଥିଯୋଗୁଁ କିଛି ଆଇନଜୀବୀ କୋଭିଡ଼ରେ ଆକ୍ରାନ୍ତ ହୋଇଛନ୍ତି । ଏଣୁ ଆଇନଜୀବୀଙ୍କୁ ଏହି ମାନ୍ୟତା ଦେବା ପାଇଁ କୋରାପୁଟ ବାର ଆସୋସିଏସନ ଦାବି କରିଛି ।
ଆଇନଜୀବୀଙ୍କୁ କୋଭିଡ଼ ଯୋଦ୍ଧା ମାନ୍ୟତା ଦାବି
କୋରୋନା କାଳରେ ଆଇନଜୀବୀମାନେ ଲୋକମାନଙ୍କ ସେବା କାର୍ଯ୍ୟରେ ଲାଗିଛନ୍ତି । ଏମାନେ ପ୍ରତିଦିନ କୋର୍ଟକୁ ଆସି ଲୋକଙ୍କୁ ଆଇନଗତ ସହାୟତା ପ୍ରଦାନ କରୁଛନ୍ତି । ଏଥିଲାଗି କିଛି ଆଇନଜୀବୀ କୋଭିଡ଼ରେ ଆକ୍ରାନ୍ତ ହୋଇଥିବା ବେଳେ କୋଭିଡ ସହ ଯୁଦ୍ଧ କରି କୋରାପୁଟର ତିନିଜଣ ଆଇନଜୀବୀ ମୃତ୍ୟୁବରଣ ମଧ୍ୟ କରିଛନ୍ତି ବୋଲି କୋରାପୁଟ ବାର ଆସୋସିଏସନର ସଭାପତି ଅଜିତ ପାତ୍ର କହିଛନ୍ତି ।