କୋରାପୁଟ: ଡିସେମ୍ବର 15 ତାରିଖରୁ କୋରାପୁଟ ଜିଲ୍ଲାରେ ଖରିଫ ଧାନ କିଣିବା ପାଇଁ 103ଟି ଧାନ ମଣ୍ଡି ମାଧ୍ୟମରେ 38,000 ଚାଷୀଙ୍କ ଠାରୁ 22 ଲକ୍ଷ କ୍ୱିଣ୍ଟାଲ ଧାନ କିଣାଯିବ ବୋଲି ଜିଲ୍ଲାପାଳ ଅବଦଲ ଅକ୍ତର ସୂଚନା ପ୍ରଦାନ କରିଛନ୍ତି ।
ଏଥର ଅଧିକ 4000 ଚାଷୀଙ୍କ ଠାରୁ କିଣାଯିବ ଧାନ
ଆଜି କୋରାପୁଟରେ ଆୟୋଜିତ ଧାନ ସଂଗ୍ରହ ପ୍ରସ୍ତୁତି ବୈଠକରେ ସେ ଏହି ସୂଚନା ଦେଇଛନ୍ତି । ଜୟପୁର ଉପଖଣ୍ଡରେ 80ଟି ଓ କୋରାପୁଟ ଉପଖଣ୍ଡରେ 23ଟି ମଣ୍ଡି ମଧ୍ୟରୁ ଲ୍ୟାମ୍ପସ 20ଟି, ମହିଳା ଏସଏଚଜି 23ଟି ଓ ପାଣିପଞ୍ଚାୟତ ଦ୍ୱାରା 2ଟିର ପରିଚାଳନା କରି ଗତଥର ଅପେକ୍ଷା 4000 ଅଧିକ ଚାଷୀଙ୍କ ଠାରୁ ଧାନ କିଣାଯିବ । ସାଟେଲାଇଟ ଇମେଜିଙ୍ଗ ଦ୍ୱାରା ମିଳିଥିବା ତଥ୍ୟକୁ ଆଧାର କରି 71,000 ଟନ ଧାନ ବିକ୍ରି କରିଥିବା ନକଲି ଚାଷୀଙ୍କୁ ଏଥର ଟୋକନ ତାଲିକାରୁ ବାଦ ଦିଆଯାଇଥିବା ଜିଲ୍ଲାପାଳ ଜଣାଇଛନ୍ତି ।