କୋରାପୁଟ: କୋରୋନା ପାଇଁ ରାଜ୍ୟବ୍ୟାପୀ ଭୟର ବାରାବରଣ ଜାରି ରହିଥିବା ବେଳେ ଏହି ସଂକ୍ରମଣକୁ ରୋକିବାକୁ ଅନଲାଇନ ମାଧ୍ୟମରେ କାର୍ଯ୍ୟ କରିବାକୁ ବିଭିନ୍ନ ଜିଲ୍ଲାର ପ୍ରଶାସନ କଟକଣା ଜାରି କରୁଛନ୍ତି । ଏହି କ୍ରମରେ ଗୁରୁବାର କୋରାପୁଟ ଜିଲ୍ଲାପାଳ ସାଧାରଣ ଜନତା ଓ ସାମ୍ବାଦିକଙ୍କୁ ସରକାରୀ କାର୍ଯ୍ୟାଳୟକୁ ନ ଆସି ଅନଲାଇନରେ ନିଜ କାର୍ଯ୍ୟ ସମ୍ପାଦନ କରିବା ପାଇଁ ଅନୁରୋଧ କରିଛନ୍ତି ।
କୋରୋନା ଆତଙ୍କ: ସରକାରୀ କାର୍ଯ୍ୟାଳୟକୁ ନଆସି ଅନଲାଇନ କାର୍ଯ୍ୟ ପାଇଁ ଅନୁରୋଧ
ପ୍ରତିଦିନ ଜିଲ୍ଲାରେ ବଢୁଥିବା କୋରୋନା ସଂକ୍ରମଣକୁ ଦୃଷ୍ଟିରେ ରଖି ପ୍ରମୁଖ 14ଟି ବିଭାଗର ଇ-ମେଲ ଠିକଣା ସମସ୍ତଙ୍କ ଅବଗତି ନିମନ୍ତେ ପତ୍ର ମାଧ୍ୟମରେ ଜଣାଇ ଦେଇଥିବା ସେ କହିଛନ୍ତି । ସୂଚନାନୁସାରେ, ଗୁରୁବାର ବୈପାରୀଗୁଡା ବ୍ଲକ ଓ ଜୟପୁର ସହରରୁ 2ଜଣ ଲେଖାଏଁ କୋରୋନା ପଜିଟିଭ ବ୍ୟକ୍ତି ଚିହ୍ନଟ ହୋଇଥିବା ବେଳେ ମାଥାଲପୁଟ ଓ ବନ୍ଧୁଗାଁରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି । ସେମାନଙ୍କୁ କୋଭିଡ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜିଲ୍ଲାପାଳ କହିଛନ୍ତି ।