କୋରାପୁଟ: ଭାରତବର୍ଷ ବୈଷୟିକ କ୍ଷେତ୍ରରେ ଅନେକ ଅଗ୍ରଗତି କରିଛି । ତେବେ ନୂତନ ଜ୍ଞାନକୈାଶଳର(technology) ବ୍ୟବହାର କରି ତ୍ବରିତ ନ୍ୟାୟ ପ୍ରଦାନ କରିବା ପାଇଁ ଯୁବ ଓକିଲମାନଙ୍କର ତାଲିମ ନେବାର ଆବଶ୍ୟକତା ରହିଛି ବୋଲି ଓଡିଶା ହାଇକୋର୍ଟର ମୁଖ୍ୟ ବିଚାରପତି ଡ.ଏସ.ମୁରଲିଧର(Chief Justice of Odisha HC, S. Muralidharn) କୋରାପୁଟ ଓକିଲ ସଂଘ(Koraput Bar Association) ଦ୍ବାରା ଆୟୋଜିତ ସଭାରେ ଯୋଗଦେଇ ପ୍ରକାଶ କରିଛନ୍ତି । ଓକିଲମାନେ ତାଲିମ ପାଇବା ପରେ ନ୍ୟାୟିକ ବ୍ୟବସ୍ଥା ତ୍ବରାନ୍ବିତ ହୋଇପାରିବ ବୋଲି ସେ ଆଶାବ୍ୟକ୍ତ କରିଥିଲେ ।
କୋରାପୁଟ ଭଳି ପଞ୍ଚମ ସେଡ୍ୟୁଲ ଅଞ୍ଚଳରେ ଆଦିବାସୀ ଜନତାଙ୍କ ଅବସ୍ଥାକୁ ବର୍ଣ୍ଣନା କରିବାକୁ ଯାଇ ସେ ଝାଡ଼ଖଣ୍ଡରେ ଓକିଲାତି କରିବା ସମୟରେ କିପରି ଖଣି ଖାଦାନ ଯୋଗୁଁ ହଇରାଣରେ ପଡିଥିବା ନିରୀହ ଜନତାଙ୍କ ପାଇଁ ଲଢ଼ିଥିଲେ, ସେ କଥାକୁ ବର୍ଣ୍ଣନା କରିଥିଲେ ମୁଖ୍ୟ ବିଚାରପତି । ଗତକାଲି(ସୋମବାର) ଜୟପୁର ଜିଲ୍ଲା ଜଜଙ୍କ କୋର୍ଟ ପରିସରରେ ଇ-ଫାଇଲିଂ ଓ ଭିସି କେବିନର ଉଦ୍ଘାଟନ କରିଥିବା ବେଳେ କୋରାପୁଟର କୋର୍ଟ ପରିସର ମଧ୍ୟରେ ବି ଏପରି ସୁଯୋଗ ସୃଷ୍ଟି କରାଯାଇପାରିବ ବୋଲି ଏସ.ମୂରଲୀଧର ପ୍ରତିଶ୍ରୁତି ଦେଇଛନ୍ତି ।