କୋରାପୁଟ: ମହିଳାଙ୍କ ଆକାଉଣ୍ଟରୁ ଟଙ୍କା ହଡପ ଅଭିଯୋଗ ହୋଇଛି । ଘଟଣାଟି ଘଟିଛି ଜୟପୁର ସହର ଉପକଣ୍ଠ ପୁରୁଣାଗଡ ଅଞ୍ଚଳରେ । ଜଣେ ଜୈନିକ ଯୁବକ ମୁଦ୍ରା ଓ କାଳିଆ ଭଳି ବିଭିନ୍ନ ଯୋଜନାରେ 50 ହଜାର ଟଙ୍କା ଋଣ କରାଇବା ନାଁରେ 14 ଜଣ ମହିଳାଙ୍କ ପାସବୁକ୍ରୁ 1 ଲକ୍ଷ 38 ହଜାର ଟଙ୍କା ହଡପ କରି ଫେରାର ହୋଇଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଉକ୍ତ ଠକାମୀର ଶିକାର ହୋଇଥିବା ଜଣେ ମହିଳାଙ୍କ କହିବାନୁଯାୟୀ, ଗତ 2ମାସ ପୂର୍ବେ ଜନୈକ ଯୁବକ ନିଜକୁ ଏକ ଅର୍ଥ ଲଗାଣକାରୀ ସଂସ୍ଥାର ପ୍ରତିନିଧିର ପରିଚୟ ଦେଇଥିଲେ । ଏହାପରେ ସେ ସଂଘ ସମେତ ଅନ୍ୟାନ୍ୟ ମହିଳାଙ୍କ ସହ ଯୋଗାଯୋଗ କରିଥିଲେ । ଋଣ ଦେବା ନାଁରେ ଯୁବକ ଜଣକ ସମସ୍ତ ମହିଳାଙ୍କ ଆଙ୍ଗୁଠିର ଛାପ, ବ୍ୟାଙ୍କ ଆକାଉଣ୍ଟର ବିବରଣୀ, ଆଧାରକାର୍ଡ ଓ ଅନ୍ୟାନ୍ୟ କାଗଜପତ୍ରର ନକଲ ସଂଗ୍ରହ କରିଥିଲା । କିନ୍ତୁ ପରେ ଋଣ ପ୍ରକ୍ରିୟା ଚାଲିଥିବା ନେଇ ଯୁବକ ଜଣକ ସମୟ ଗଡାଇ ଚାଲିଥିଲା ।