କୋରାପୁଟ: ଆୟୋଜିତ ହୋଇଯାଇଛି ଜୟପୁରର ପଥୋତ୍ସବ। ମହାପ୍ରଭୁଙ୍କ ଶ୍ରୀଗୁଣ୍ଡିଚା ଯାତ୍ରା ଭଳି ଜନ ସମୁଦ୍ରରେ ଭାସୁଛି ଜୟପୁର ସହର । ସହରର ବଡଦାଣ୍ଡ ଯେଉଁଠି ପ୍ରତିଦିନ ହଜାର ହଜାର ଲୋକ ଯାତାୟତ କରନ୍ତି,ସେହି ପଥରେ ଆଜି ଜୟପୁରର ଆବାଳ ବୃଦ୍ଧ ବନିତା ଏକତ୍ରିତ ହୋଇଛନ୍ତି।
ଜୟପୁର ବଡ଼ଦାଣ୍ଡର ପଥୋତ୍ସଵ,ଆଧୁନିକତାର ଛାପରେ ପରମ୍ପରାର ଝଲକ
ପଥୋତ୍ସବ ପାଇଁ ସମସ୍ତେ ପରସ୍ପର ଭିତରେ ନାଚି ଖେଳି, କଥାବାର୍ତ୍ତା, ଚିତ୍ର ଆଙ୍କିବା ସହ ପରିବେଶ ସୁରକ୍ଷାର ବାର୍ତ୍ତାକୁ ବାଣ୍ଟି ସାଥି ହୋଇ ଚାଲିବାର ମଜ୍ଜା ନେଇଛନ୍ତି । ରାଜ୍ୟ ସ୍ତରୀୟ ଆଦିବାସୀ ମହୋତ୍ସବ ପରବର ଏକ ଅଭିନ୍ନ ଅଙ୍ଗ ହୋଇଉଠିଥିବା ପଥୋତ୍ସବରେ ସାମିଲ ହୋଇଥଲେ କଳାକାର, କ୍ରୀଡ଼ାବିତ,ରାଜନେତା,ବିଦ୍ୟାଳୟର ଛାତ୍ରଛାତ୍ରୀ ଓ ଅଗଣିତ ଦେଖଣାହାରୀ।