70 ଲକ୍ଷ ଟଙ୍କାର ଗଞ୍ଜେଇ ଜବତ

ଦିନକୁ ଦିନ ରାଜ୍ୟରେ ବଢିବାରେ ଲାଗିଛି ଗଞ୍ଜେଇ ଚୋରା ଚାଲାଣ । 70 ଲକ୍ଷ ଟଙ୍କାର ଗଞ୍ଜେଇ ଜବତ । ଅଧିକ ପଢନ୍ତୁ...

କୋରାପୁଟ :ଦିନକୁ ଦିନ ରାଜ୍ୟରେ ବଢିବାରେ ଲାଗିଛି ଗଞ୍ଜେଇ ଚୋରା ଚାଲାଣ । କୋରାପୁଟର ନନ୍ଦପୁର ବ୍ଲକର ହାତିବାରି ଗାଁରେ ପାଡୁଆ ପୋଲିସ ଚଢାଉ କରି ବିପୁଳ ପରିମାଣର ଗଞ୍ଜେଇ ଜବତ କରିଛି । ଏହାସହ ୨ଟି ଗାଡିକୁ ଜବତ କରିଛି ।

ସୂଚନା ଅନୁସାରେ ହାତିବାରୀ ଗାଁରେ ଗଞ୍ଜେଇ ଚାେରା ଚାଲାଣର ଖବର ପାଇ ଚଢାଉ କରିଥିଲା । ପୋଲିସର ଚଢାଉ ଦେଖି ଗଞ୍ଜେଇ ମାଫିଆମାନେ ଘଟଣାସ୍ଥଳରେ ମିନି ଟ୍ରକ ଓ ଗୋଟିଏ ପିକପ ଭ୍ୟାନକୁ ଛାଡି ଛତ୍ରଭଙ୍ଗ ଦେଇଥିଲେ ।

ପରେ ପୋଲିସ ୨ଟି ଗାଡିକୁ ଜବତ କରିଥିଲା । ସେଥିରେ ଥିବା ୭୦୦ କେଜିରୁ ଅଧିକ ଗଞ୍ଜେଇକୁ ମଧ୍ୟ ଜବତ କରିଛି । ଜବତ ଗଞ୍ଜେଇର ହାରାହାରି ମୂଲ୍ୟ ୭୦ଲକ୍ଷ ଟଙ୍କା ହେବ । ଏହି ମାମଲାରେ କାହାରିକୁ ଗିରଫ କରାଯାଇ ନାହିଁ । ଘଟଣାକୁ ନେଇ ଅଧିକ ତଦନ୍ତ ଜାରି ରହିଛି ।

କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ