କୋରାପୁଟ: ଗତ 3 ତାରିଖରେ ଜିଲ୍ଲାର ପଟ୍ଟାଙ୍ଗିରେ 28 ବର୍ଷର ଜଣେ ଯୁବ ବ୍ୟବସାୟୀଙ୍କୁ ଗଳା ଚିପି ହତ୍ୟା କରାଯାଇଥିଲା । ପୋଲିସ ଏହି ଘଟଣାରେ 3ଜଣଙ୍କୁ ଗିରଫ କରିବା ପରେ ମଧ୍ୟ ତଦନ୍ତ ସଂପୂର୍ଣ୍ଣ ନଥିବା କହି ସଂପର୍କୀୟ କ୍ରାଇମବ୍ରାଞ୍ଚ ତଦନ୍ତ ଦାବି କରି ଶହ ଶହ ଲୋକଙ୍କ ସହ ପଦଯାତ୍ରା କରିଛନ୍ତି ।
ପଟ୍ଟାଙ୍ଗି ହତ୍ୟା ମାମଲାରେ କ୍ରାଇମବ୍ରାଞ୍ଚ ତଦନ୍ତ ଦାବି
ପଟ୍ଟାଙ୍ଗି ଗ୍ରାମର ଯୁବ ବ୍ୟବସାୟୀ ଗଙ୍ଗା ପ୍ରସାଦ ଚୌଧୁରୀଙ୍କୁ ଗଳା ଚିପି ହତ୍ୟା କରିଥିବା ଅଭିଯୋଗ ହୋଇଥିଲା । ଏହି ହତ୍ୟାକାଣ୍ଡର କାରଣ ଜୁଆଖେଳ ବୋଲି ପୋଲିସ କହିଥିଲା । ଗ୍ରାମର ସୁନୀଲ ପାଢ଼ୀ ନାମକ ଜନୈକ ଯୁବକ ଗଙ୍ଗା ପ୍ରସାଦଠାରୁ ଜୁଆ ଖେଳରେ 3 ଲକ୍ଷ ଟଙ୍କା ହାରିଯାଇଥିଲା । ପରେ ସୁନୀଲର ସାନ ଭାଇ ଅନୀଲ ପାରଳାଖେମୁଣ୍ଡିର ଜଣେ ସୁପାରୀ କିଲର ଦ୍ବାରା ଗଙ୍ଗା ପ୍ରସାଦକୁ ହତ୍ୟା କରାଇଥିବା ସୁନାବେଡା ଏସଡିପିଓ ନିରଞ୍ଜନ ବେହେରା ଗୁରୁବାର ଏକ ପ୍ରେସ ବିବୃତିରେ ଜଣାଇଛନ୍ତି ।