କୋରାପୁଟ: ବୟସ 80 । କିନ୍ତୁ ସାହସ ଅସୀମ । ଏହି ସାହସ ବଳରେ ବୟସର ଅପରାହ୍ନରେ ମଧ୍ୟ ମହାମାରୀ କୋରୋନାକୁ ମୁକାବିଲା କରି ଶେଷରେ ବିଜୟ ହାସଲ କରିଛନ୍ତି । ଆଜି କୋରାପୁଟ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଜିଲ୍ଲା ପ୍ରଶାସନକୁ ଧନ୍ୟବାଦ ଦେଇଛନ୍ତି ।
ସୂଚନାଅନୁଯାୟୀ କୋରାପୁଟ ଜିଲ୍ଲାର ଜୟପୁର ବାସିନ୍ଦା 80 ବର୍ଷୀୟ ଧାତୁର୍ବେଦି ସିଂ କୋଭିଡକୁ ସାମନା କରିଛନ୍ତି । ଗତ ଅପ୍ରେଲ 16 ତାରିଖରେ ଘରେ ଅସୁସ୍ଥତା ଅନୁଭବ କରିବା ପରେ ଜୟପୁର କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ଅଧିକ ବୟସ ହୋଇଯାଇଥିବା ଯୋଗୁଁ ତାଙ୍କ ଶୁଭେଚ୍ଛୁ ଭୟଭୀତ ହୋଇଥିଲେ ହେଁ ସିଂ ତିଳେହେଲେ ସାହସ ହରାଇନଥିଲେ ।
କୋରୋନାକୁ ହରାଇଲେ ଜୟପୁରର 80 ବର୍ଷ ବୃଦ୍ଧ, ଜିଲ୍ଲା ପ୍ରଶାସନକୁ ଦେଲେ ଧନ୍ୟବାଦ
ଜୟପୁରର କୋଭିଡ ହସ୍ପିଟାଲରେ ଭର୍ତ୍ତି ହେବା ପରେ ସେଠାରେ ଡାକ୍ତର ଓ ନର୍ସଙ୍କ ଦ୍ଵାରା ଯୋଗାଇଦିଆଯାଉଥିବା ଉନ୍ନତମାନର ସେବାକୁ ଦେଖି ତାଙ୍କ ମନରେ ଯାହାବି ସନ୍ଦେହ ଥିଲା ତାହା ଦୂର ହୋଇଯାଇଥିଲା ବୋଲି ସିଂ କହିଛନ୍ତି । ସୁସ୍ଥ ହୋଇ ଫେରିବା ସହ ଶେଷରେ ବିଜୟୀ ମଧ୍ୟ ହାସଲ କରିଛନ୍ତି ।