କୋରାପୁଟ: ନିର୍ବାଚନ ପରେ ଆଜି(ଶୁକ୍ରବାର) ଅନୁଷ୍ଠିତ ହୋଇଛି କୋରାପୁଟ ଜିଲ୍ଲା ପରିଷଦର ପ୍ରଥମ ବୈଠକ । ଜିଲ୍ଲାର ପାନୀୟ ଜଳର ସ୍ଥିତି ଓ ବିପର୍ଯ୍ୟସ୍ତ ଗମନାଗମନର ବ୍ୟବସ୍ଥାକୁ ନେଇ ବୈଠକରେ ସଦସ୍ୟ ମାନେ ଉଦବେଗ ପ୍ରକାଶ କରିଛନ୍ତି । ଏହି କାର୍ଯ୍ୟ ତୁରନ୍ତ ଶେଷ ହେବା ନେଇ ଜିଲ୍ଲା ପରିଷଦ ଅଧ୍ୟକ୍ଷା ସସ୍ମିତା ମେଲକା କହିଛନ୍ତି ।
ପାନୀୟ ଜଳ ଯୋଗାଣରେ ଅଭାବ, ଜିଲ୍ଲା ପରିଷଦର ପ୍ରଥମ ବୈଠକରେ ଉଦବେଗ ପ୍ରକାଶ
ଜୟପୁର ବିଧାୟକ ତାରାପ୍ରସାଦ ବାହିନୀପତି ବୋରିଗୁମ୍ମାରେ ବର୍ଷ ବର୍ଷ ଧରି କାମ ଚାଲି ଥିଲେ ମଧ୍ୟ ମେଗା ଜଳ ଯୋଗାଣ ପ୍ରକଳ୍ପ କାର୍ଯ୍ୟକ୍ଷମ ହୋଇପାରିନଥିବାକୁ ନେଇ କ୍ଷୋଭ ପ୍ରକାଶ କରିଛନ୍ତି । ତେବେ ଏହି କାର୍ଯ୍ୟ ଆସନ୍ତା ଜୁନ ମାସ ମଧ୍ୟରେ ଶେଷ ହୋଇ ଲୋକଙ୍କୁ ଜଳ ଯୋଗାଇବାରେ ସକ୍ଷମ ହେବ ବୋଲି ଜିଲ୍ଲା ପରିଷଦ ଅଧ୍ୟକ୍ଷା ସସ୍ମିତା ମେଲକା ଆଶା ପ୍ରକାଶ କରିଛନ୍ତି । ସଦସ୍ୟ ମାନେ ଜିଲ୍ଲାରେ NBCCର ରାସ୍ତାକାମ ନିମ୍ନମାନର ହେଉଥିବା ଅଭିଯୋଗ କରିଥିଲେ ।