କୋରାପୁଟ: ଜିଲ୍ଲା ଖଣିଜ ପାଣ୍ଠି (ଡିଏମଏଫ)ରୁ ଗତ ତିନି ବର୍ଷ ମଧ୍ୟରେ କୋରାପୁଟ ଜିଲ୍ଲାର ବିଭିନ୍ନ ସ୍ଥାନରେ ୫୨୬ କୋଟି ଟଙ୍କା ଵ୍ୟୟରେ ୮୪୪ ଟି ପ୍ରକଳ୍ପ କାର୍ଯ୍ୟକାରୀ କରିବା ପାଈଁ ୨୬ ଟି କାର୍ଯ୍ୟନିର୍ବାହୀ ସଂସ୍ଥାକୁ ଦାୟିତ୍ବ ଦିଆଯାଇଥିଲା । ହେଲେ ବର୍ତ୍ତମାନ ସୁଦ୍ଧା ୬୪ କୋଟି ଟଙ୍କା ବ୍ୟୟରେ ୫୨୬ ଟି ପ୍ରକଳ୍ପର କାର୍ଯ୍ୟ ସମ୍ପୂର୍ଣ୍ଣ ହୋଇଛି । ତେବେ ବଳକା ୬୨ କୋଟି ଟଙ୍କାକୁ ଖର୍ଚ୍ଚ କରି ଏପର୍ଯ୍ୟନ୍ତ ଅସମ୍ପୂର୍ଣ୍ଣ ଅବସ୍ଥାରେ ପଡି ରହିଥିବା ୩୧୮ ଟି ପ୍ରକଳ୍ପକୁ ତୁରନ୍ତ ସମ୍ପୂର୍ଣ୍ଣ କରିବା ପାଇଁ ଜିଲ୍ଲାପାଳ ମଧୁସୂଦନ ମିଶ୍ର ବିଭାଗୀୟ ଅଧିକାରୀଙ୍କୁ ତାଗିଦ କରିଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା, କୋରାପୁଟ କୋରାପୁଟ ଜିଲ୍ଲାର ୧୯୪ଟି ଖଣି ପ୍ରଭାବିତ ଗ୍ରାମରେ ଏ ପର୍ଯ୍ୟନ୍ତ ଏହି ପାଣ୍ଠିରୁ ଶିକ୍ଷା ,ସ୍ବାସ୍ଥ୍ୟ ଓ ଯୋଗାଯୋଗର ଉନ୍ନତି ପାଇଁ ଖର୍ଚ୍ଚ କରାଯାଉଛି । ଆଗାମୀ ଦିନରେ ଗ୍ରାମବାସୀଙ୍କ ଦକ୍ଷତା ବୃଦ୍ଧି ସହିତ ଜୀବନ ଜୀବିକା ର ସୁଯୋଗ ସୃଷ୍ଟି କରିବାରେ ଖର୍ଚ୍ଚ କରାଯିବା ପାଇଁ ଜିଲ୍ଲା ଖଣିଜ ପାଣ୍ଠି ବିନିଯୋଗର ସମୀକ୍ଷା ବୈଠକରେ ନିଷ୍ପତ୍ତି ନିଆଯାଇଛି । ବିଶେଷ କରି ଜାତୀୟ ରାଜପଥର ତୁରନ୍ତ ମରାମତି କରିବା ପାଈଁ ଏକ କର୍ପସ ପାଣ୍ଠିର ସୃଷ୍ଟି କରିବା ସହିତ ଲେମନ ଗ୍ରାସ ଭଳି ଅର୍ଥକାରୀ ଫସଲର ଉଚିତ ବଜାର ସୃଷ୍ଟି କରିବା ପାଇଁ ଏହି ପାଣ୍ଠିର ବିନିଯୋଗ କରାଯିବ ବୋଲି ଜିଲ୍ଲାପାଳ କହିଛନ୍ତି ।
କୋରାପୁଟରୁ ସି ଏଚ ଶାନ୍ତାକାର, ଇଟିଭି ଭାରତ
