କୋରାପୁଟ: ସମଗ୍ର ବିଶ୍ବରେ ଆତଙ୍କ ଖେଳାଇଛି କୋରୋନା ଭାଇରସ । ଯାହାକୁ ନେଇ ଭୟଭୀତ ଅଛନ୍ତି ବିଶ୍ବବାସୀ । ଚୀନରୁ ଏହି ଭାଇରସ ବ୍ୟାପିଥିବାବେଳେ ବର୍ତ୍ତମାନ ସୁଦ୍ଧା ଚୀନରେ 80ରୁ ଉର୍ଦ୍ଧ୍ବ ପ୍ରାଣ ହରାଇଛନ୍ତି । ସେହିପରି ଆମେରିକାରେ ଏହି ଭାଇରସ ଯୋଗୁଁ 5 ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ଏହାସହ ଭାରତର ବିଭିନ୍ନ ସ୍ଥାନରେ ସନ୍ଦିଗ୍ଧ ଅବସ୍ଥାରେ କିଛି ବ୍ୟକ୍ତିଙ୍କୁ ଚିହ୍ନଟ କରାଯାଇଛି।
କାରୋନା ଭାଇରସ ଓ ବାର୍ଡ ଫ୍ଲୁ ମୁକାବିଲା ପାଇଁ ପ୍ରସ୍ତୁତ ଜିଲ୍ଲା ପ୍ରଶାସନ
ତେବେ କୋରାପୁଟରେ କୋରୋନା ମୁକାବିଲା କରିବା ପାଇଁ ଜିଲ୍ଲା ପ୍ରଶାସନ ପ୍ରସ୍ତୁତ ଥିବା କହିଛନ୍ତି ଜିଲ୍ଲାପାଳ ମଧୁସୂଦନ ମିଶ୍ର । ଭାଇରସରେ ସମ୍ଭାବ୍ୟ ପ୍ରଭାବିତ ବ୍ୟକ୍ତିଙ୍କୁ ଚିକିତ୍ସା କରିବା ପାଇଁ ସ୍ବତନ୍ତ୍ର ୱାର୍ଡ ଖୋଲିବା ସହ ଆନୁସଙ୍ଗିକ ବ୍ୟବସ୍ଥା କରିବା ପାଇଁ ମେଡିକାଲ କଲେଜ କର୍ତ୍ତୃପକ୍ଷଙ୍କ ସହ ଆଲୋଚନା ସମ୍ପନ୍ନ ହୋଇସାରିଥିବା ଜିଲ୍ଲାପାଳ କହିଛନ୍ତି।