କୋରାପୁଟ: କୋରୋନା କାଳରେ ସ୍ବାସ୍ଥ୍ୟ ସେବାରୁ ବଞ୍ଚିତ କୋରାପୁଟବାସୀ । ଡାକ୍ତର ଓ ଫାର୍ମାସିଷ୍ଟଙ୍କ ଅଭାବରୁ ପ୍ରାଥମିକ ଚିକିତ୍ସା ମିଳୁନଥିବା ସାଧାରଣ ଲୋକେ ଅଭିଯୋଗ କରିଛନ୍ତି। ଏହି ସମସ୍ୟା ନେଇ ପବ୍ଲିକ ରାଇଟ୍ସ ଆସୋସିଏସର କର୍ମକର୍ତ୍ତା କୋରାପୁଟ ସିଡିଏମଓ ମକରନ୍ଦ ବେଉରାଙ୍କୁ ଏକ ଦାବି ପତ୍ର ପ୍ରଦାନ କରିଛନ୍ତି ।
କୋରାପୁଟ ବ୍ଲକ ଅନ୍ତର୍ଗତ ସମସ୍ତ ସିଏଚସି ଓ ପିଏଚସିରେ ଡାକ୍ତର , ଫାର୍ମାସିଷ୍ଟ ଏବଂ ଏପରିକି ରକ୍ତ ପରୀକ୍ଷା କରିବା କର୍ମଚାରୀଙ୍କ ପଦବୀ ଖାଲି ପଡିଛି । ଫଳରେ ଗାଁ ଗହଳିରେ ରହୁଥିବା ଲୋକମାନେ ବହୁ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । ଏନେଇ ଦାବି ପତ୍ର ଦେବା ପରେ ଡାକ୍ତର ବେଉରା ଜିଲ୍ଲାରେ ଖାଲିଥିବା ପଦବୀ ଗୁଡିକ ପୁରଣ କରିବାକୁଚେଷ୍ଟା କରିବେ ବୋଲି ପ୍ରତିଶ୍ରୁତି ଦେଇଛନ୍ତି ବୋଲି ସଂଘର ଅଗ୍ରଣୀ ସଦସ୍ୟ ନୃପେନ୍ଦ୍ର ନାରାୟଣ ବାଘ ଜଣାଇଛନ୍ତି ।
କୋରାପୁଟରୁ ସିଏଚ.ଶାନ୍ତାକାର, ଇଟିଭି ଭାରତ
