କୋରାପୁଟ: ଏମିତି ଆମ ବିକାଶର ଗାଥା । ମା'ଙ୍କୁ ସମ୍ମାନ ଗାଁକୁ ରାସ୍ତା କେବଳ କଥାରେ ରହିଯାଇଛି । ରାସ୍ତା ନଥିବାରୁ ଗାଁ ପର୍ଯ୍ୟନ୍ତ ଆସିପାରିଲାନି ଆମ୍ବୁଲାନ୍ସ। କୋରାପୁଟରୁ ପୁଣି ଆସିଲା ଜନନୀ ଯନ୍ତ୍ରଣାର କରୁଣ କାହାଣୀ । ଗାଁ ଠାରୁ ପ୍ରାୟ ପାଞ୍ଚ କିଲୋମିଟର ଦୂରରେ ଗର୍ଭବତୀ ମହିଳାଙ୍କୁ ହସ୍ପିଟାଲ ନେବା ପାଇଁ ଆମ୍ବୁଲାନ୍ସ ଠିଆ ହୋଇଥିଲା । ବର୍ଷା ଅନ୍ଧାର ରାତ୍ରିରେ ଆମ୍ବୁଲାନ୍ସ ପାଖକୁ ପ୍ରସବ ବେଦନାରେ ଜର୍ଜରିତ ଗର୍ଭବତୀ ମହିଳାଙ୍କୁ ଭାରରେ ବୁହା ହୋଇ ନିଆଯାଉଥିଲା । ତେବେ ପାହାଡିଆ ରାସ୍ତାର ଉଠାଣି ଗଡାଣିରେ ପ୍ରାୟ ଦୁଇ କିଲୋମିଟର ଯିବା ପରେ ରାସ୍ତାରେ ହିଁ ପ୍ରସବ କଲେ ମହିଳା ଜଣଙ୍କ ।
ରାସ୍ତା ନଥିବାରୁ ପହଞ୍ଚିପାରିଲାନି ଆମ୍ବୁଲାନ୍ସ , ରାସ୍ତାକଡ଼ରେ ଜନ୍ମହେଲା ଶିଶୁ
କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ଅନ୍ତର୍ଗତ ଡୁମ୍ବାଗୁଡା ପଞ୍ଚାୟତରେ କାଳିଆମ୍ବ ଗାଁରେ ଘଟିଛି ଏହି ହୃଦୟବିଦାରକ ଘଟଣା । ଗ୍ରାମର କୈଳାଶ ସାହୁଙ୍କ ପତ୍ନୀ କବିତା ବିଷୋୟୀ ରାସ୍ତା କଡରେ ହିଁ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ।