କୋରାପୁଟ: କୋରନା ଭାଇରସକୁ ମୁକାବିଲା କରିବା ପାଇଁ କୋରାପୁଟ ଜିଲ୍ଲାରେ ଚାଲିଛି ସଚେତନତା । କୋରୋନା ଭୁତାଣୁର ପ୍ରଭାବକୁ ରୋକିବା ପାଇଁ କୋର୍ଟ ପରିସରରେ କିପରି ଭିଡ ନିୟନ୍ତ୍ରଣ କରାଯିବ ସେନେଇ କୋରାପୁଟ ବାର୍ ଆସୋସିଏସନ ପକ୍ଷରୁ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ କୋରୋନା ସମ୍ପର୍କରେ ସଚେତନତା ସୃଷ୍ଟି କରିବା ସହିତ ଏହାର ପ୍ରଭାବରୁ ସୁରକ୍ଷିତ ରହିବାର ବିଭିନ୍ନ ଉପାୟ ସମ୍ପର୍କରେ ଚର୍ଚ୍ଚା କରାଯାଇଛି ।
ଅଯଥା ଭିଡକୁ କମାଇ କୋର୍ଟରେ କୋରୋନାକୁ କରାଯିବ ମୁକାବିଲା
ସଦସ୍ୟମାନଙ୍କ ସାମୁହିକ ନିଷ୍ପତ୍ତି କ୍ରମେ ଜିଲ୍ଲାଜଜଙ୍କ ଏ ସମ୍ପର୍କରେ ଦେବାକୁ ଥିବା ନିର୍ଦେଶକୁ ଅପେକ୍ଷା କରାଯିବା ସହ କୋର୍ଟ ପରିସରରେ ଓକିଲ ଓ ସେମାନଙ୍କ ମହକିଲ କିପରି ହାତ ଧୋଇବେ, ପରସ୍ପର ଠାରୁ ଦୁରତାକୁ ବଜାୟ ରଖିବେ ଓ ଅଯଥାରେ ଗହଳି ନକରିବା ଭଳି ପଦକ୍ଷେପ ନେଇପାରିବେ ସେ ସମ୍ପର୍କରେ ପ୍ରୟାସ ଆରମ୍ଭ କରାଯାଇଛି ।