କୋରାପୁଟ: ଜିଲ୍ଲାର ଦଶମନ୍ତପୁର ଓ ପଟ୍ଟାଙ୍ଗି ଆସନ ପାଇଁ ହେବ ଜିଲ୍ଲା ପରିଷଦର ଉପନିର୍ବାଚନ । ଏନେଇ ବିଗୁଲ ବାଜି ସାରିଥିବା ବଳେ ଆଜିଠାରୁ ଆରମ୍ଭ ହୋଇଛି ନାମାଙ୍କନ ପତ୍ର ଦାଖଲ ପ୍ରକ୍ରିୟା । ଏହି କ୍ରମରେ ଆଜି ଉଭୟ ଆସନ ପାଇଁ ନାମାଙ୍କନ ପତ୍ର ଦାଖଲ କରିଛି କଂଗ୍ରେସ । ଦଶମନ୍ତପୁର ଆସନ ପାଇଁ ନରୀ ହିକକା ନାମାଙ୍କନ ପତ୍ର ଦାଖଲ କରିଥିବା ବେଳେ ପଟ୍ଟାଙ୍ଗି ଆସନ ପାଇଁ ତିରୁପତି ସାରା ନାମାଙ୍କନ ପତ୍ର ଦାଖଲ କରିଛନ୍ତି । ଉଭୟ ନିଜ ନିଜ ସମର୍ଥକଙ୍କ ସହ ଆସି କୋରାପୁଟ ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
କୋରାପୁଟ ଜିଲ୍ଲା ପରିଷଦରେ ସମୁଦାୟ 29 ଜଣ ସଦସ୍ୟ ଥିବା ବେଳେ ସେମାନଙ୍କ ମଧ୍ୟରୁ ପଟ୍ଟାଙ୍ଗି ଆସନର ଜିଲ୍ଲା ପରିଷଦ ସଦସ୍ୟ ଡୁମୁରି ଖିଲଙ୍କ ଦେହାନ୍ତ ହୋଇଥିଲା । ସେହିପରି ଲକ୍ଷ୍ମୀପୁର ବ୍ଲକ ଅନ୍ତର୍ଗତ ଦଶମନ୍ତପୁର ଆସନକୁ ପ୍ରତିନିଧିତ୍ବ କରୁଥିବା ପ୍ରଭୁ ଜାନୀ ବିଧାନସଭା ନିର୍ବାଚନରେ ବିଧାୟକ ଭାବେ ନିର୍ବାଚିତ ହେବା ପରେ ଏହି ଦୁଇଟି ପଦବୀ ଖାଲି ପଡିଥିଲା ।